ب. بايبەك الماتى قالاسى اكىمىنىڭ جاڭا ورىنباسارىن تانىستىردى

 

الماتى. قازاقپارات - بۇگىن الماتى قالاسىنىڭ اكىمى باۋىرجان بايبەك ءوزىنىڭ جاڭا ورىنباسارى رۋميل تاۋفيكوۆتى اكىمدىك ۇجىمىنا تانىستىردى.

بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.

رۋميل تاۋفيكوۆ بۇعان دەيىن 2009 جىلدان بەرى ق ر پرەزيدەنتى پروتوكولىنىڭ باستىعى قىزمەتىن اتقارىپ كەلگەن بولاتىن.

ەندى جاڭا قىزمەتتە الەۋمەتتىك باعدارلامالار، حالىقتى جۇمىسپەن قامتۋ، توتەنشە جاعدايلاردىڭ الدىن الۋ، قالانىڭ ازاماتتىق قورعانىسى، جولاۋشى تاسىمالىن ۇيىمداستىرۋ، جول قوزعالىسى قاۋىپسىزدىگىن قامتاماسىز ەتۋ جانە قىلمىستىڭ الدىن الۋ جۇمىستارىنا جەتەكشىلىك ەتەتىن بولادى.

رۋميل تاۋفيك ۇلى تاۋفيكوۆ 1974 -جىلى 30 قاڭتاردا قىرعىز ك س ر- نىڭ استاناسى فرۋنزە قالاسىندا تۋعان. اباي اتىنداعى الماتى مەملەكەتتىك ۋنيۆەرسيتەتىن (1997- 2000 ج ج. )، «ماتەماتيكا جانە ينفورماتيكا»، «قۇقىق تانۋ» ماماندىقتارى بويىنشا بىتىرگەن. قازاق، ورىس جانە اعىلشىن تىلدەرىن مەڭگەرگەن. 2000 -جىلدان - «استانا قالاسىنىڭ كوممۋنالدىق مەنشىك قورى» م ك ك باس مامانى، بولىمشەسىن باسقارۋشى. 2001 -جىلدىڭ مامىرىنان - استانا قالاسى اكىمى اپپاراتىنىڭ ۇيىمداستىرۋ-باقىلاۋ جانە ماماندارمەن جۇمىس ىستەۋ ءبولىمىنىڭ باس مامانى - پروتوكول باستىعى. 2001 -جىلدىڭ قاراشاسىنان - ق ر پرەزيدەنتى پروتوكولىندا كونسۋلتانت، سەكتور مەڭگەرۋشىسى، باس ينسپەكتورى. 2006 -جىلدىڭ ناۋرىزىنان - ق ر پرەزيدەنتى پروتوكولى باستىعىنىڭ ورىنباسارى. 2009 -جىلدان بەرى - ق ر پرەزيدەنتى پروتوكولىنىڭ باستىعى.

«قۇرمەت» وردەنىمەن (2010 ج. )، «قازاقستان رەسپۋبليكاسىنىڭ تاۋەلسىزدىگىنە 10 جىل» (2001 ج. )، «قازاقستان كونستيتۋتسياسىنا 10 جىل» (2005 ج. )، «استانانىڭ 10 جىلدىعى» (2008 ج. ) مەدالدارىمەن ماراپاتتالعان.

اۆتور: جاپپاربەرگەن ايبوتا