ق ر قورعانىس ءمينيسترى ايرو ۇتقىر اسكەرلەرى مەن «باتىس» وڭىرلىك قولباسشىلىعىنىڭ باسشىلارىن تانىستىردى - فوتو
ەلباسى - ق ر ق ك جوعارعى باس قولباسشىسىنىڭ وكىمىمەن ول «باتىس» وڭىرلىك قولباسشىلىعى اسكەرلەرىنىڭ قولباسشىسى لاۋازىمىنا تاعايىندالدى.
سونداي- اق قر قورعانىس ءمينيسترىنىڭ بۇيرىعىمەن پولكوۆنيك الدياروۆ نۇرلان قاپان ۇلى، «باتىس» ءو ڭ ق اسكەرلەرى قولباسشىسىنىڭ ءبىرىنشى ورىنباسارى - شتاب باستىعى، پولكوۆنيك ادىربەكوۆ دۋلات تەمىرعالي ۇلى، «باتىس» ءو ڭ ق اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى، پولكوۆنيك كايۋموۆ سابىر رىسبەك ۇلى، تەڭىز جاياۋ اسكەرىنىڭ بريگادا كومانديرى بولىپ تاعايىندالدى.
«سىزدەرگە ەلىمىزدىڭ باتىس شەپتەرىن قورعاۋدا تۇرعاندىقتارىڭىزدان ەرەكشە اسكەري ميسسيا جۇكتەلەدى. بىلەتىڭدەرىڭىزدەي، بۇل جەردە وتە ماڭىزدى گەوساياسي توراپ قالىپتاسادى، مۇندا ەلىمىزدىڭ ۇلتتىق مۇددەسى بار جانە بولا بەرەدى دە. سوندىقتان «باتىس» وڭىرلىك قولباسشىلىعى اسكەرلەرى قولباسشىسى باسقارماسىنىڭ بارلىق ۇجىمىن باعىنىستى اسكەرلەردى دايارلاۋ ساپاسىن جاقسارتۋ بويىنشا ەلەۋلى، ماقساتتى باعىتتالعان جۇمىس جاساۋعا شاقىرامىن»، - دەدى قورعانىس ءمينيسترى يمانعالي تاسماعامبەتوۆ جانە «باتىس» ءو ڭ ق الدىندا تۇرعان جەتى ناقتى تاپسىرمانى اتاپ ءوتتى.
سونىمەن قاتار، كەشە قورعانىس ءمينيسترى ەلباسى - ق ر ق ك جوعارعى باس قولباسشىسىنىڭ وكىمىمەن قازاقستان ايرو ۇتقىر اسكەرلەرىنىڭ قولباسشىلىعىن باسقارۋعا كىرىسكەن گەنەرال- مايور الماز جۇماكەيەۆتى تانىستىردى.
«جاڭا قولباسشىلار مەن ايرو ۇتقىر اسكەرلەرىنىڭ شتابىنا ءبىرقاتار تاپسىرما بەرگىم كەلەدى. ايرو ۇتقىر اسكەرلەرىنىڭ بولىمشەلەرى ەلىمىزدىڭ كەز كەلگەن وڭىرىندە كەنەتتەن تۋىندايتىن تاپسىرمالاردى شەشۋگە ۇدايى ازىرلىكتە بولۋى ءتيىس. سول سەبەپتى وفيتسەرلەردى، سەرجانتتار مەن ساربازداردى دايارلاۋ باعدارلاماسىنا اسكەري بولىمدەردى جاۋىنگەرلىك ازىرلىكتىڭ جوعارى دارەجەسىنە كەلتىرۋ كەزىندە پراكتيكالىق ءىس- قيمىل ماسەلەلەرىنە كوبىرەك كوڭىل بولگەن ءجون»، - دەپ اتاپ ءوتتى ايرو ۇتقىر اسكەرلەرىنىڭ جاڭا كومانديرىن ۇسىنا وتىرىپ ۆەدومستۆو باسشىسى يمانعالي تاسماعامبەتوۆ. ول سونىمەن قاتار، ايروۇتقىر اسكەرلەرىندە قىزمەت ەتكەن جانە جاۋىنگەرلىك ازىرلىكتى ارتتىرۋعا ۇلەس قوسقان بۇرىنعى كوماندير گەنەرال- مايور داۋلەت وسپانوۆقا العىسىن ءبىلدىردى.
