ءجۇز جاساسا دا قاراپ وتىرعىسى جوق اجەيدىڭ تىرلىگى
كەيۋانا كۇنى بۇگىنگە دەيىن ءوزى قىزمەت جاساپ كەلە جاتقان جۇمىس ورنىن ساقتاپ قالعىسى كەلەدى. ول بۋففالو قالاسىنداعى كيىم تازارتقىشتاردىڭ بىرىندە اپتاسىنا 6 كۇن بويى 11 ساعاتتان جۇمىس ىستەيدى. 15 جاسىنان ەڭبەككە ارالاسقان اجەي قازىرگى سۇيىكتى كاسىبىندە 40 جىلدان بەرى كەلە جاتىر. قول-اياعى تىڭ، ەڭبەكقور انا تۇتىنۋشىلاردان تاپسىرىس قابىلداپ، ەسەپ جازىپ، ەركىن اقشا ساناي الادى. «اۋىر كەزەڭدە دۇنيەگە كەلدىم، سوندىقتان زامانىمىز ەرتە جاستان ەڭبەك ەتۋگە شىڭدادى. ۇزاق ءومىر ءسۇرۋدىڭ دە ءبىر عانا قۇپياسى - ەڭبەكتى سۇيە بىلگەنىڭ»، - دەيدى ول.
فيلومەنا روتۋندو، 100 جاستاعى اجە:
- مەن كۇنى بويى ادامدارمەن قارىم-قاتىناستامىن. قانشاما تاپسىرىس قابىلدايمىن. ەگەر تاڭەرتەڭ تۇرعان بويدا مەن بۇگىن جۇمىسقا بارۋىم كەرەك دەپ ەسكە الساڭىز، مۇنىڭ ءوزى پايدالى. بۇل جەردە قانشا ۋاقىتقا دەيىن بولاتىنىمدى بىلمەيمىن، ءبىراق اياقتان ءالىم كەتكەنشە جۇمىسىمدى جالعاستىرا بەرمەكپىن.
