12:58, 21 - قازان 2015 | GMT +5
بۇگىن شەكاراشىلار استانادا «استانا-ءۇرىمجى» باعىتىندا ۇشاتىن ۇشاقتان ءبىر جولاۋشىنى ۇستادى
استانا. قازاقپارات - بۇگىن تاڭەرتەڭ استانا قالاسىنداعى حالىقارالىق اۋەجايدا «استانا- ءۇرىمجى» باعىتىندا ك س-287 رەيسىنە جولاۋشىلاردى وتىرعىزۋ كەزىندە شەكاراشىلار قازاقستان ازاماتىن ۇستاۋعا ءماجبۇر بولدى.
بۇل تۋرالى ق ر ۇ ق ك شەكارا قىزمەتىنىڭ باسپا ءسوز قىزمەتى حابارلادى.
ناقتىراق ايتقاندا، كەدەندىك باقىلاۋدان وتكەن وتانداسىمىزدىڭ قول سومكەسىنەن جاريالاۋدى «ۇمىتىپ» كەتكەن 25300 ا ق ش دوللارى مەن 79000 تەڭگەسى شىعا كەلدى.
مەملەكەتتىك شەكارا سىزىعىنىڭ بويىندا قوماقتى اقشانى جاريالاۋدى «ۇمىتىپ» جۇرگەن جولاۋشىعا قاتىستى ماتەريالداردى شەكاراشىلار استانا قالاسىنىڭ مەملەكەتتىك كىرىس دەپارتامەنتىنە تاپسىردى.
