اتا-انانىڭ ەسىندە ءجۇرۋى ءتيىس ون قاعيدا

استانا. قازاقپارات - بالاعا دەگەن تاربيە - بالامەن سويلەسۋمەن، اڭگىمەلەسۋمەن، وعان اقىل-كەڭەس بەرۋمەن عانا شەكتەلمەيدى.

تاربيە - تۇرمىستى ۇيىمداستىرا بىلۋدە، بالاعا اركىمنىڭ ءوز جەكە باسى ارقىلى ونەگە كورسەتۋىندە. وتباسىنداعى بالا تاربيەسى حالىق ومىرىمەن، قوعامنىڭ ماقسات - مىندەتتەرىمەن بايلانىستا بولۋى كەرەك.

ءبىز بۇگىن وقىرماندارعا عالىمدارىڭ اكە-شەشەنىڭ بالا تاربيەسىندە ەستە جۇرەر بىرنەشە قاعيدالارعا توقتالماقپىز.

1) بالانى جاس كەزىنەن باستاپ سىيلاپ، قادىر-قاسيەتىن، ار-نامىسىن باعالاپ، دۇرىس سويلەسىپ، دۇرىس قارىم-قاتىناس جاساعان ابزال.

2) تاكاپپارلىقتىڭ ناشار قاسيەت ەكەندىگىن ءتۇسىندىرىپ، تاكاپپار بولۋىنىڭ الدىن الۋ كەرەك.

3) ادەپسىز ءسوز، دورەكى ايقاي-تاربيەدەگى ەڭ جامان ءادىس. بالا وعان ۇيرەنىپ كەتەدى نەمەسە وعان قاراي جاۋاپ بەرەدى.

4) كەمشىلىكتەرىن مويىنداۋدى ۇيرەتۋ كەرەك. كەمشىلىكتەرىن ءبىلىپ، جوندەۋگە تىرىسۋى - ومىردە جەتىستىككە جەتۋىنە سەبەپ بولادى.

5) ەگەر ءوزىڭ بالانى سىيلاماي تۇرىپ وزىڭە ءىلتيپات، قۇرمەت كورسەتۋىن تالاپ ەتۋدىڭ ءوزى ۇيات.

6) بالاعا شاماسى كەلمەيتىن جۇمىس تاپسىرماۋ كەرەك. كەرى جاعدايدا قولىنان كەلەتىن نارسەلەردى دە ورىندامايتىن بولادى.

7) بالانىڭ ايتايىن دەگەن ءوتىنىشى، اقىلداسقىسى كەلگەن ماسەلەلەرىن اتا-اناسى تىڭداپ، اقىل-كەڭەس بەرۋى كەرەك.

8) ورىنداي المايتىن نارسەلەردى ايتىپ ۋادە بەرمەۋ كەرەك

9) اتا-انا وتباسىنداعى ۇلكەندەردى سىيلاپ قۇرمەتتەسە كىشىلەرگە قامقور بولسا، بالا دا سونداي بولۋعا ۇمتىلادى.

10) بالاعا وتباسى ىشىندەگى بىرەۋ ۇرسىپ جاتسا، باسقاسى ونى جاقتاماۋ كەرەك.

namys.kz