باتىردىڭ باسىن العان كىم؟

استانا. قازاقپارات - قوستاناي وبلىسىندا ورنالاسقان ەسكەرتكىشتەرگە بەلگىسىز بىرەۋلەر قاستاندىق جاساپ ءجۇر.

ءبىر قىزىعى، ولار قاسىندا تۇرعان لەنيننىڭ مۇسىنىنە تيىسپەي، وتان سوعىسىندا كوز جۇمعاندارعا ارناپ سالىنعان جاۋىنگەر ەسكەرتكىشىنىڭ باسىن كەسىپ اكەتكەن.

كوشە بۇزاقىلارى ما الدە ءدىني اعىمنىڭ وكىلدەرى مە ول جاعى دا بەلگىسىز. پوليتسەيلەر بولسا، ەسكەرتكىشتى تالقانداعانداردى ىزدەستىرىپ جاتىرمىز دەيدى.

ءتارتىپ ساقشىلارى قازىر ءتۇستى مەتال قابىلدايتىن ورىنداردى تەكسەرۋگە كىرىسكەن. جاقىن ماڭداعى مەكتەپ كۇزەتشىسى تەك تۇنگى ون ەكىلەر شاماسىندا مەتالدى ۇرىپ جاتقانداي دىبىستار ەستىگەنىن ايتقان.

بۇعان دەيىن، قوستاناي وبلىسىنىڭ زارەچنىي اۋىلىندا بەلگىسىز بىرەۋلەر ءۇش مەترگە جۋىق سارباز ەسكەرتكىشىنىڭ باسىن جۇلىپ، جارامسىز ەتكەن. ۇلى وتان سوعىسىندا قازا تاپقانداردىڭ قۇرمەتىنە قويىلعان ءمۇسىن ەلدى مەكەنگە 1963-جىلى ورناتىلعان ەدى.

31.kz