11:02, 21 - قازان 2015 | GMT +5
الەمدەگى ەڭ كوپ ۇرلانعان كارتينا
استانا. قازاقپارات - گوللانديالىق سۋرەتشى حارمەنس رەين رەمبراندتىڭ «پورترەت ياكوبا دە گەينا III» اتتى سۋرەتى دۇنيەجۇزىندەگى ءجيى ۇرلانعان ونەر تۋىندىسى رەتىندە گيننەستىڭ رەكوردتار كىتابىنا ەنگىزىلگەن.
بۇل تۋىندى 4 رەت ۇرلانىپ، تابىلعان. حارمەنس رەين رەمبراندتىڭ سۋرەتى سوڭعى رەت 1983 - جىلى ۇرلانعان.
قىلقالام شەبەرىنىڭ ۇرلانعان سۋرەتى ءار كەز جاسىرىن تۇردە قايتىپ كەلىپ وتىرعاندىقتان، بۇل ۇرلىققا قاتىستى ەشكىم جازالانباعان. حارمەنس رەين رەمبراندتىڭ تۋىندىسى كولەمى جاعىنان وتە كىشكەنتاي بولعاندىقتان، ۇرلانعان بولۋى مۇمكىن. بۇگىندە سۋرەت لوندون قالاسىنىڭ دالۆيچ گالەرەياسىندا ساقتاۋلى. گالەرەيا جەتەكشىسى حارمەنس رەين رەمبراندتىڭ سالعان سۋرەتىن ەندى ۇرلاۋ ميعا قونىمسىز دەيدى.
