الەمنىڭ ەڭ ناشار اۋەجايلارى بەلگىلى بولدى

استانا. قازاقپارات - نيگەريانىڭ پورت-حاركورت قالاسىنىڭ حالىقارالىق اۋەجايى الەمدەگى ەڭ ناشار اۋەجاي بولىپ تانىلدى.

26 مىڭ ادام قاتىسقان سۇراۋ ناتيجەسىن The Independent گازەتى جاريالادى.

رەسپوندەتتەر نيگەريا اۋەجايىن الەمدەگى ەڭ جەمقور دەپ اتادى. سۇرالعانداردىڭ پىكىرىنشە، ونداعى تەرمينالدار وزدەرىنە جولاتپايدى، ال اۋەجاي قىزمەتكەرلەرى ساپار شەگۋشىلەرگە بىردە-ءبىر سۇراق بويىنشا كومەكتەسكىسى كەلمەيدى. عيماراتتا جۇمساق ورىندىقتار جوق، اۋانى جاقسارتۋ جۇيەسى ىستەن شىققان، ال كەلۋ ايماعىنىڭ شاتىرى لاس.

ەكىنشى ورىندا ساۋد ارابياسىنىڭ جيددا قالاسىنان 19 شاقىرىم جەردە ورنالاسقان كورول ابدۋل-ءازيز اۋەجايى ورنالاسقان. ول ەلدىڭ ادامدارى ەڭ كوپ جۇرەتىن جانە كولەمى جاعىنان ءۇشىنشى اۋەجايى بولىپ سانالادى. رەسپوندەنتتەر ونىڭ تەرمينالدارىن «اسا تولى، بەيبەرەكەتسىز جانە لاس» دەپ اتاعان. ۇشتىكتى نەپال استاناسى كاتماندۋدان 5,5 شاقىرىم جەردە ورنالاسقان تريبحۋۆان حالىقارالىق اۋەجايى جاپتى.

تىزىمدە جالعىز ەۋروپالىق ەل فرانسيا بولدى. بوۆە قالاسىنىڭ اۋە ايلاعى 10- ورىننان كورىندى. ساياحاتشىلار ونىڭ تەرمينالدارىندا ورىندىقتاردىڭ جوق ەكەنىن، از عانا قىزمەتكەرلەرىنىڭ قىرعي قاباقتىعىن جانە Wi-Fi- ءدىڭ قىمبات ەكەنىن اتاپ ءوتتى. رەيتينگكە سونداي-اق تاشكەنت حالىقارالىق اۋەجايى، ۆەنەسۋەلا، گايتي، اۋعانستان، ۆەتنام جانە پاكىستاننىڭ اۋە ايلاقتارى كىردى، دەپ جازادى لەنتا. رۋ.

فوتو: alumetal.ch