قاعباداعى قاجىلىقتى بەينەلەگەن ساعات شىعارىلدى
«Mecca» سەرياسى بويىنشا مەككەدەگى قاعبا بەينەسى بار 56 ساعات ساتىلىمعا شىقتى. ايتا كەتەيىك، بۇل ساعات مۇسىلمان قاۋىمىنا ارنالىپ وتىر.
ەگەر شۆەيتساريالىق كومپانيا ۇسىنعان «Mecca» ساعاتىنا مۇسىلمان قاۋىمىنان سۇرانىس ارتىپ جاتسا، ساعات شىعارۋ مولشەرى دە كوبەيمەك، دەپ حابارلانعان نۇر استانا مەشىتىنىڭ سايتىندا.
«Mecca» ساعاتىنىڭ ديزاينى دا ەرەكشە: سيفەربلاتتىڭ ورتاسىندا ەكى ۇلعايتقىش پارابولالى اينا ورناتىلعان، ول قاعبا ىسپەتتەس قارا ءتۇستى كۋبتى ۇستاپ تۇرادى. ال ساعات يەسىنە قاعبا تاسى سيفەربلاتتان كوتەرىلىپ جاتقانداي كورىنەدى. ساعاتتىڭ اللەگوريالىق فورماسى مەككەدەگى تاۋاف ءراسىمىن دە قامتىعان.
ساعاتتى تاققان ادام قوزعالىسقا تۇسكەن كەزدە سيفەربلات بەتىندە جىبىرلاعان قۇم سەكىلدى اق ءتۇستى قيىرشىقتار «قاعبانى» اينالعان قاجىلارداي كورىنىس بەرەدى. ديزاينەرلەر وسىلايشا قاعباداعى قاجىلىقتى كورسەتۋگە كۇش سالعان.
«Mecca» ساعاتىنىڭ تاعى ءبىر ارتىقشىلىعى بار: تەرى باۋعا بەكىتىلگەن شاعىن كومپاستى ارنايى ناۆيگاتور ارقىلى قوسىپ، قاي جەردە جۇرسەڭىز دە قۇبىلانى قيىندىقسىز تاباسىز. سونداي-اق ساعاتتىڭ ارتقى بولىگىندە الەم كارتاسى بەينەلەنگەن.
