عالىمدار: ءۇيدىڭ تۇڭعىشى ءوزىنىڭ باۋىرلارىنا قاراعاندا اقىلدىراق بولادى
بۇل تۋرالى زەرتتەۋ ناتيجەسىن PNAS جۋرنالى جاريالادى.
زەرتتەۋگە ا ق ش، بريتانيا، گەرمانيا ەلدەرىنەن 20 مىڭعا جۋىق ادام قاتىسقان. ولاردىڭ ءبارىنىڭ باۋىر- قارىنداستارى نەمەسە ءىنى- سىڭلىلەرى بولعان. قاتىسۋشىلار IQ، سونداي- اق پسيحولوگيالىق تەستتەن وتكەن.
زەرتتەۋ قورىتىندىسى بويىنشا، عالىمدار ادامنىڭ تەز ءتىل تابىسقىشتىعى، سەزىمتالدىعى، مىنەزىنىڭ اشىقتىعى، شىنشىلدىعى جانە باسقا دا مىنەز- قۇلىق قاسيەتتەرى ونىڭ ءۇيدىڭ نەشىنشى بالاسى ەكەندىگىنە بايلانىستى بولمايتىنىن، الايدا تۇڭعىشتاردىڭ IQ كورسەتكىشى راسىمەن جوعارىراق بولاتىنىن انىقتادى. كورسەتكىش ايىرماسى شامامەن 1,5 بالدى قۇرايدى.
زەرتتەۋشىلەر بۇعان گەنەتيكالىق جانە بيولوگيالىق فاكتورلاردىڭ ەش قاتىسى جوق دەپ سانايدى. كەرىسىنشە، بۇل جەردە تاربيەنىڭ ىقپالى زور كورىنەدى. كوپ جاعدايدا ءۇيدىڭ كەنجەسىن اكە- شەشەلەرى قاتتى ەركەلەتىپ جىبەرەدى دە، وعان تۇڭعىش بالاسىنا قاراعاندا كوبىرەك ەركىندىك بەرەدى. وسى سەبەپتى ساباقتاعى ۇلگەرىمى تىڭعىلىقتى قاداعالانباي قالادى.
