04:08, 21 - قازان 2015 | GMT +5
گ. ءابدىقالىقوۆا: ۇلت جوسپارىن جۇزەگە اسىرۋدا ايەلدەردىڭ جۇمىسپەن قامتىلۋ ماسەلەلەرىنە ەرەكشە كوڭىل ءبولۋ قاجەت - فوتو
پەتروپاۆل. قازاقپارات - ق ر مەملەكەتتىك حاتشىسى گ. ءابدىقالىقوۆانىڭ سولتۇستىك قازاقستان وبلىسىنا ساپارى ايماقتاعى ايەلدەر قاۋىمىمەن كەزدەسۋىمەن اياقتالدى، دەپ حابارلايدى وبلىس اكىمدىگىنىڭ باسپا ءسوز قىزمەتىنەن.
ءوز سوزىندە گۇلشارا ءابدىقالىقوۆا سولتۇستىكقازاقستاندىق ايەلدەردىڭ ىسكەرلىك بەلسەندىلىگىن اتاپ ءوتتى.
«ەلباسى تاپسىرماسىمەن «100 ناقتى قادام» ۇلت جوسپارى ازىرلەندى. بۇل جوسپاردى جۇزەگە اسىرۋدا ايەلدەردىڭ جۇمىسپەن قامتىلۋىنا، ايەلدەر، جاستار، قارتاڭ ادامدار مەن مۇمكىندىگى شەكتەۋلى جاندار كاسىپكەرلىگىن قولداۋعا، انالار مەن بالالاردى قورعاۋعا، وتباسىلىق قۇندىلىقتاردى نىعايتۋعا كوڭىل ءبولۋ قاجەت»، دەپ اتاپ ءوتتى گۇلشارا ناۋشا قىزى.
كەزدەسۋ سوڭىندا گۇلشارا ءابدىقالىقوۆا وبلىس باسشىلىعىنا ءبىرقاتار تاپسىرمالار بەردى. ال س ق و اكىمى ەرىك سۇلتانوۆ ايەلدەر قاۋىمىنىڭ ىسكەرلىك جانە كوشباسشىلىق قاسيەتتەرىن دامىتۋدىڭ زور مانگە يە ەكەنىن باسا ايتتى.
