مۇقاعاليدىڭ ولەڭدەرى موڭعول تىلىنە اۋدارىلدى

استانا. قازاقپارات - قازاق حالقىنىڭ ۇلى اقىنى، قىسقا عۇمىرىندا ولمەس مۇرا قالدىرىپ كەتكەن سىرشىل ليريك مۇقاعالي سۇلەيمەن ۇلى ماقاتايەۆ وتان، تۋعان ەل، تۋعان جەر تاعدىرى، قوعامداعى وزگەرىستەر، ادامدار ارمانى، ماحاببات تاقىرىپتارىندا جىرلاپ ءوتتى.

ول قازاق ادەبيەتىنەن وزىندىك دارا ورىن العان، قازاق حالقىنىڭ ءار كەزەڭدە باسىنان وتكەن تاريحىن، جان دۇنيەسىن تەرەڭنەن تولعايتىن، شىعارمالارىندا ماحاببات، سۇيىسپەنشىلىك تاقىرىپتارى ەرەكشە ورىن الاتىن. پوەزيا عانا ەمەس اۋدارما سالاسىندا دا ءوزىنىڭ قولتاڭباسىن قالدىرعان تۇلا دارىن يەسى.

اقيىق اقىننىڭ «جىلاپ قايتتىم ءومىردىڭ بازارىنان»، «امانات» اتتى جىر جيناقتارىن موڭعولياعا ەڭبەك سىڭىرگەن مادەنيەت قايراتكەر، موڭعوليا جازۋشىلار وداعىنىڭ لاۋرەاتى، اقىن، اۋدارماشى ب. مونگولحۇۇدىڭ موڭعول تىلىنە ءتارجىمالاۋى ەجەلدەن قونىستاس، تاعدىرلاس، وتانداس موڭعول وقىرماندارىنا ونىڭ تالانت دارىنى، پوەزياداعى داراشىلدىعىن تانىتۋ، دارىپتەۋ بولىپ تابىلارى ءسوزسىز.

مىڭ جىلدا ءبىر تۋىلاتىن قازاق حالقىنىڭ ۇلى اقىنى مۇقاعالي ماقاتايەۆتىڭ شىعارمالارىن وقىعان موڭعول وقىرماندارى موڭعوليانىڭ ۇلى اقىنى ر. چوينومنىڭ ولەڭدەرىن وقىعانداي اسەر الىپ، سۇيسىنە وقيدى دەگەنگە سەنەمىز.

جانەركە تاشكەن قىزى

kaznews.mn