ومار حايامنىڭ «رۋباياتتارى» تيتانيكپەن بىرگە باتىپ كەتكەن
فيلوسوفيالىق ويلاردىڭ جيناعى قازىرگى يران تەرريتورياسىندا نيزاريتتەر مەملەكەتىن قۇرعان حاسان يبن سابباح تۋرالى دا كوپ مالىمەت كەلتىرەدى. اڭىزداردىڭ بىرىنە سۇيەنسەك، ومار حايام ءوزىنىڭ نەگىزگى ەڭبەگىن ەل بيلەۋشىسى يبن سابباحقا سىيلاعان ەكەن. كەيىننەن ەلگە سەلجۋقتەر شابۋىل جاساپ، باستى قامالدى ورتەپ جىبەرەدى. تاريحي قولجازبا عاسىرلار بويى جوعالىپ كەتەدى.
ال 1896 -جىلى ەدۆارد فيتسدجەرالد ەسىمدى امەريكالىق عالىم پارسى وركەنيەتىن ارالاپ ءجۇرىپ، ءتۇپنۇسقانى تاۋىپ الادى. عالىم رۋباياتتارعا قىزىعۋشىلىق تانىتىپ، ومار حايام جازباسىنان بىرنەشە قىسقا ەستەلىك اۋدارادى. كەيىننەن ەدۆارد قولجازبانىڭ ءبىرشاما بولىگى شيرەن ەسىمدى پارسى حانشايىمىندا ەكەنىن ءبىلىپ، ونىمەن جولىعۋدىڭ ءساتىن قاراستىرادى.
XX عاسىردىڭ باسى كەزىندە يران ساياسي تۇراقسىز ەل بولعان. ازامات سوعىسى اياعىن تاپپاي جاتقان كەز ەدى. ەدۆارد فيتسدجەرالد شيرەنگە عاشىق بولىپ، ونى وزىمەن بىرگە ا ق ش- قا الىپ كەتۋدى جوسپارلايدى. ولار سوعىس دۇربەلەڭىنەن امان شىعىپ، ەۋروپادان امەريكا قۇرلىعىنا جەتۋ ءۇشىن تيتانيك كەمەسىنە مىنەدى. قولجازبانىڭ اسىل نۇسقاسى دا ەدۆاردتا بولاتىن.
تيتانيك سۋ استىنا كەتكەنىمەن، امەريكالىق عالىم ءوزىنىڭ بولاشاق جارىمەن امان قالادى. دەگەنمەن تاريح تالكەگىنەن امان قالعان رۋباياتتاردىڭ ءتۇپنۇسقاسى سۋ استىنا ماڭگىگە كەتەدى.
massaget.kz
