الەمنىڭ جەتەكشى ۋنيۆەرسيتەتتەرىنىڭ قازاق تىلىندەگى تەگىن ونلاين كۋرستارىنىڭ تۇساۋى كەسىلدى

الماتى. قازاقپارات - بۇگىن الماتىدا حالىقارالىق اقپاراتتار تەحنولوگياسى ۋنيۆەرسيتەتىندە الەمنىڭ جەتەكشى ۋنيۆەرسيتەتتەرىنىڭ ستۋدەنتتەرگە جانە ءوز بەتىمەن ءبىلىم الۋشىلارعا ارنالعان قازاق تىلىندەگى تەگىن ونلاين كۋرستارىنىڭ تۇساۋى كەسىلدى.

ۇيىمداستىرۋشىلاردىڭ ايتۋىنشا، بۇل اۋقىمدى ءبىلىم بەرۋ جوباسىنىڭ باستى ماقساتى - جوعارى دەڭگەيدەگى حالىقارالىق ءبىلىم كوزدەرىنە قازاقستاندىق ستۋدەنتتەر مەن ءوز بەتىمەن ءبىلىمىن جەتىلدىرگىسى كەلەتىندەردىڭ قولىن جەتكىزۋ. ازىرگە، «Coursera» ينتەرنەت- پورتالىندا قازاق تىلىندە بەس ءپان ىسكە قوسىلعان. ولار www.coursera.org سايتىندا ونلاين- رەجىمىندە قولجەتىمدى بولىپ وتىر.

«ءبىز بۇل كۋرستاردى، ياعني پاندەردى قازاق تىلىنە اۋدارۋدى وسىدان ءبىر جارىم جىل بۇرىن باستاعان ەدىك. جۇمىس وتە كۇردەلى بولدى. اعىلشىن تىلىندەگى دارىستەردى قازاق تىلىنە ساپالى اۋدارۋ وڭاي ەمەس ەكەنىنە كوزىمىز جەتتى. پاندەردى اۋدارىپ بولعان سوڭ، ولاردى «Coursera» رەسۋرسىنا جۇكتەپ، ىسكە قوستىق. وسىلايشا، جوعارى وقۋ ورىندارىندا وقۋعا مۇمكىندىگى بولماعان جاندارعا قازاق تىلىندە ونلاين رەجىمى ارقىلى ساپالى ءبىلىم الۋعا مۇمكىندىك تۋدى»، - دەدى جوباعا قارجىلاي قولداۋ كورسەتكەن ۇيىم - «كcell» كومپانياسىنىڭ كورپوراتيۆتىك بايلانىستار بويىنشا ديرەكتورى ناتاليا ەسكوۆا.

ايتا كەتكەن ءجون، تاڭداپ الىنعان كۋرستار قازاقستان ۋنيۆەرسيتەتتەرىندەگى ستاندارتتى وقۋ باعدارلاماسىنا كىرمەيدى.

دەگەنمەن، قازاقستاندىق تىڭداۋشىلار وسى پاندەر ارقىلى العان بىلىمدەرى مەن يدەيالارىن كەلەشەكتە وزدەرىنىڭ سارتاپتىق جوبالارىنا ءتيىمدى پايدالانا الادى، دەيدى ۇيىمداستىرۋشىلار.

سونىمەن، ازىرگە كوپشىلىك ءۇشىن ا ق ش- تىڭ باتىس رەزەرۆتىك ۋنيۆەرسيتەتىنىڭ عىلىم دوكتورى ريچارد بوياتيس جۇرگىزەتىن «شابىت بەرەتىن كوشباسشىلىق جانە ەموتسيالىق ينتەللەكت» كۋرسى جانە كانادانىڭ تورونتو ۋنيۆەرسيتەتىنىڭ پروفەسسورلارى دجەننيفەر كەمپبەل مەن پول گريس وقىتاتىن «باعدارلامالاۋدى ۇيرەن: باعدارلاما جاساۋدى بىلمەيتىندەرگە ارنالعان نەگىزگى ءبىلىم» پاندەرى قولجەتىمدى.

ال ا ق ش- تىڭ پەنسيلۆانيا ۋنيۆەرسيتەتىنىڭ پروفەسسورى كەۆين ۆەرباحتىڭ «گەيميفيكاتسيا»، ياعني «ويىندار تەورياسىن بيزنەستە قولدانۋ» كۋرسى الداعى قاراشا ايىنان باستاپ اشىلادى. «جەلىلەر: دوستار، اقشا جانە بايتتار» (ا ق ش- تىڭ پرينستون ۋنيۆەرسيتەتىنىڭ پروفەسسورى مۋنگ چانگ جۇرگىزەدى) جانە «ەلەكتروندىق مەديا جانە موبيلدىك قوسىمشالارعا ارنالعان كرەاتيۆتىك باعدارلامالاۋ» (لوندون ۋنيۆەرسيتەتىنىڭ عىلىم دوكتورلارى جۇرگىزەدى) كۋرستارىنىڭ اشىلۋ ۋاقىتى الداعى ايلاردا بەلگىلى بولادى.

كۋرستاردىڭ ۇزاقتىعى ءۇش اپتادان ون بەس ايعا دەيىن سوزىلادى. ءبىلىم بەرۋ ۇدەرىسىندە دارىستەر، ءۇي تاپسىرمالارىن ورىنداۋ، تەستىلەردەن ءوتۋ جانە ەمتيحاندار تاپسىرۋ جۇمىستارى قامتىلعان.

اۆتور: جاپپاربەرگەن ايبوتا