قىرعىزستاندا تۇرمەدەن قاشقان قىلمىسكەردى ۇستاۋ كەزىندە ءولتىرىلدى
ق ر ءى ءى م-نىڭ باسپا ءسوز قىزمەتىنىڭ حابارلاۋىنشا، قىلمىسكەر سوۆۋلۋك اۋدانى اۋىلدارىنىڭ بىرىندەگى قوي قورادا جاسىرىنعان. ونى ۇستاۋ ءىس-قيمىلدارى 20 -قازاننىڭ تاڭىندا جۇرگىزىلدى. ۇستاۋ كەزىندە ول قارسىلىق تانىتىپ، اقىرى اتىلىپ ءولتىرىلدى.
ق ر ءى ءى م- نەن ا. مۇسىراليەۆتىڭ سيزو-50 باس بوستاندىعىنان ايىرۋ ورنىنان قاشىپ كەتكەن ءتورت سوتتالۋشىنىڭ ءبىرى، سونداي-اق ءداستۇرلى ەمەس يسلامدى جاقتاۋشى جانە تىيىم سالىنعان «جايشۋل ماحدي» پارتياسىنىڭ بەلسەندى مۇشەسى بولعان.
ەسكە سالا كەتەيىك، اعىمداعى جىلدىڭ 12 -قازانىندا سيزو №50 -باس بوستاندىعىنان ايىرۋ ورنىنان 9 سوتتالۋشى قاشىپ كەتكەن. سونىڭ بەسەۋى ۇستالىپ، تاعى تورتەۋى جاسىرىنىپ ۇلگەرگەن. 16 -قازان كۇنى قىلمىسكەرلەردىڭ ءبىرى ارنايى ءىس-قيمىلداردىڭ بارىسىندا ءولتىرىلدى. تاعى ەكى ەكسترەميستى ىزدەۋ جۇمىستارى جۇرگىزىلۋدە.
قىرعىزستان ءى ءى م ىزدەۋدەگى ەكسترەميستەردىڭ ورنالاسقان جەرى تۋرالى مالىمەتتەر ءۇشىن 1 ميلليون سوم (شامامەن 14,5 مىڭ دوللار) اقشالاي سىياقىسىن بەرەتىنىن جاريالادى.
