قاراشا ايىندا «قازاقستان» تەلەارناسى كورەرمەندەرىن جاڭا وتاندىق ونىممەن قۋانتادى - فوتو
بۇل تۋرالى «قازاقستان» ر ت ر ك» ا ق باسپا ءسوز قىزمەتى حابارلادى.
حيكايانىڭ باستى كەيىپكەرلەرى جاڭا عىلىمي جوبانى اشۋعا ۇمتىلعان ءتورت دوس جايلى. كەيىپكەرلەر ارقىلى ناعىز دوستىقتىڭ ۇلگىسى كورسەتىلەدى. شەتەلدەن كەلىپ تۇسكەن كوپتەگەن ۇسىنىستارعا قاراماستان، ولار ءوز ۇلەستەرىن تۋعان ەلدىڭ دامۋىنا قوسۋدى كوزدەيدى.
كوپتەگەن قيىندىقتاردى باستان وتكەرگەننەن كەيىن، مەملەكەتتەن قولداۋ الۋدان ءۇمىت ءۇزىپ، ينۆەستيتسيالاردى جان-جاقتان ىزدەي باستايدى. تەلەحيكايا اياقتالار تۇستا وتاندىق IT كومپانيانىڭ باسشىلىعىنان كومەك سۇراعان كەزدە عانا ەلىمىزدە ءوز ءىسىن دامىتۋدىڭ بارلىق شارتتارى مەن بىردەي مۇمكىندىكتەرى جاسالعانىن بىلەدى.
«تاڭداۋ» حيكاياسىنىڭ درامالىق سيۋجەتىندە، ەڭ الدىمەن، قازاقستاندىقتاردىڭ زياتكەرلىك ۇلت ەكەنى كورسەتىلەدى.
اتالعان تەلەحيكايا وتان سۇيگىشتىكتىڭ نەگىزىن قالىپتاستىرۋدى سيپاتتاپ، وسكەلەڭ ۇرپاققا ءوز مەملەكەتىنىڭ دامۋىنا بىلىمدەرى مەن ۇلەستەرىن قوسۋ ماقتانارلىق جايت ەكەنىن تۇسىندىرەدى.
حيكايا رەجيسسەرى ايدىن ساحامانوۆ («قارا شاڭىراق، «تاعدىر»، «ۆوپرەكي ۆسەمۋ»، «پودرۋجكي» جانە ت. ب. تەلەحيكايالاردىڭ رەجيسسەرى)، سەناري اۆتورى - ءلاززات تۇلكىبايەۆا.
كارتيناعا ءابىلمانسۇر سەرىكوۆ، ءاشىم احمەتوۆ، ەسليام نۇرتازين، باقتيار بايسەرىك، اراي راحمەت، گۇلباھرام بايبوسىنوۆا، باقتيار قوجا، كۇلجامال قازاقبايەۆا جانە تاعى باسقا تانىمال اكتەرلەر قاتىسادى.
وسى جىلدىڭ قاراشا ايىندا ەلىمىزدىڭ دامۋىنا ءوز ۇلەستەرىن قوسۋعا ءازىر، جاڭاشا ويلاۋدىڭ يەلەرى تۋرالى درامانى «قازاقستان» تەلەارناسىنان جىبەرىپ الماڭىزدار.
