الما تۇسىپبەكوۆانىڭ «اق قاناتتى پەرىشتەم» اتتى جىر كىتابى جارىق كوردى

استانا. قازاقپارات -  الماتىداعى «ءۇش قيان» باسپاسىنان جاس اقىن الما تۇسىپبەكوۆانىڭ «اق قاناتتى پەرىشتەم» اتتى جاڭا كىتابى جارىق كوردى.

ءوزىنىڭ جۇرەككە جىلى تيەر، شالقار سەزىمگە باي، نازىك سىرعا تولى جىرلارىمەن رەسپۋبليكالىق مەرزىمدى باسپا ءسوز بەتتەرىنەن ءجيى كورىنىپ جۇرگەن اقىننىڭ، بۇل - ەكىنشى كىتابى. وعان كەيىنگى كەزدەرى جازىلعان جىرلارى توپتاستىرىلعان.

جىر كىتابىنا ەنگەن ولەڭدەردىڭ باسىم كوپشىلىگىندە ادامزاتقا ورتاق وزەكتى تاقىرىپتار قوزعالاتىندىعىمەن ەرەكشەلەنەدى. مىسالى، «جۇرگەسىن تىرىلەردىڭ تىزىمىندە» اتتى ولەڭىندە الما اقىن افريكا تايپاسىنىڭ تۇرعىندارى اشتىقتان السىرەپ، ءۇندىنىڭ سولتۇستىگىنە كەلىپ، وزدەرىنىڭ بۇيرەكتەرىن ساتۋعا دەيىن بارعانىن جازادى.

اقىن، حالىقارالىق «الاش» ادەبي سىيلىعىنىڭ لاۋرەاتى عالىم جايلىباي جاس اقىننىڭ جاڭا كىتابىنا العىس ءسوز جازىپ، «ولەڭ ولكەسىنەن وزىندىك جولىن تاپقان قارىنداسىمىز شىن مانىندە ايتارى بار اقىن»، - دەپ باعا بەردى.