ەلباسى «كوكسۋ» قوسالقى شارۋاشىلىعىندا بولدى

 استانا. قازاقپارات -  قىزىلوردا وبلىسىنا جۇمىس ساپارى اياسىندا ەلباسى نۇرسۇلتان نازاربايەۆ «كوكسۋ» قوسالقى شارۋاشىلىعىندا بولدى، دەپ حابارلادى اقوردانىڭ باسپا ءسوز قىزمەتى.

مەملەكەت باسشىسىنا 2000 - جىلدان بەرى قالانى كوگالداندىرۋمەن اينالىساتىن شارۋاشىلىق جۇمىسىنىڭ جاي- كۇيى تانىستىرىلدى.

شارۋاشىلىق يەلىگىندەگى 18,7 گەكتار اۋماقتا جاپىراقتى، قىلقان جاپىراقتى، جەمىس بەرەتىن جانە ساندىك ماقساتتاعى 150 مىڭ دەكوراتيۆتىك اعاش، سونداي- اق بۇتالار وسىرىلەدى.

 سونىمەن قاتار شارۋاشىلىق قىزمەتكەرلەرى اعاشتىڭ جەرگىلىكتى كليمات جاعدايىنا بەيىمدەلگەن جاڭا تۇرلەرىن الۋ ءۇشىن سەلەكسيالىق جۇمىستار دا جۇرگىزەدى. «كوكسۋ» شارۋاشىلىعىندا سونداي- اق تاجىريبەلىك ماقساتپەن ايماقتىڭ تابيعاتىنا بەيىمدەلمەگەن قاراعاي، شىرشا، ارشا، ەمەن تارىزدەس اعاشتاردى جەرسىندىرۋ ءىسى دە قولعا الىنعان.