شيرەك عاسىردا شيكىلەۋ بولسا دا انا ءتىلىن ۇيرەنە الماعان قازاقتاردان نە كۇتۋگە بولادى؟

استانا. قازاقپارات - تەلەارنا جاڭالىقتارىن ءجيى كورەمىن. الايدا مەكەمە باسشىلارىنىڭ، ورىنباسارلارىنىڭ، جەكەلەگەن كاسىپكەرلەردىڭ - قازاقتاردىڭ ورىسشا بىلشىلداپ تۇرعانىن كورگەندە، قانىم باسىما شابادى.

تاۋەلسىزدىككە 25 جىلعا جۋىقتادى. شيرەك عاسىردا شيكىلەۋ بولسا دا انا ءتىلىن ۇيرەنە الماعان قازاقتاردان نە كۇتۋگە بولادى؟ ءوز ەلىندە تۇرىپ، ءوز جەرىندە ءجۇرىپ، وزگە ەلدىڭ تىلىندە سايراپ، تۋعان تىلىنە كەلگەندە تەرىس قارايتىنداردىڭ سازايىن قالاي بەرۋگە بولادى؟

«قازاقشا سويلەۋگە ۇيالامىن» دەيتىندەر بار. سوندا ءوزى قازاق بولا تۇرىپ، وزگە ءبىر ەلدىڭ تىلىندە سويلەۋ ۇيات ەمەس پە؟ مەنىڭشە، مۇندايلاردان جۋرناليستەر پىكىر الۋدى دوعارۋ كەرەك. ودان دا سول مەكەمەنىڭ اۋلا سىپىرۋشىسى، ەدەن جۋۋشىسى قازاقشا بىلەتىن بولسا، سولاردى سويلەتىڭدەر.

ەلباسىنى «قازاق پەن قازاق قازاقشا سويلەسسىن» دەپ قانداي تاماشا پىكىر ءبىلدىردى. ودان بەرى دە كوپ جىل ءوتتى. ال ءبىزدىڭ قاراكوزدەردىڭ كوزىن شەل باسقان. باسىنا كۇن تۋمايىنشا انا تىلىندە سويلەمەيدى. سول ءۇشىن بالاسىنا دۇرىس تاربيە بەرمەگەن اتا-انالارى دا ۇيالمايدى.

جولداسبەك دۋاناباي

Facebook-تەگى پاراقشاسىنان