11:23, 20 - قازان 2015 | GMT +5
قىتايدان كەلگەن قانداسىمىزدىڭ قولىنان شىققان بۇيىمدارعا جۇرتتىڭ ىقىلاسى ەرەكشە
استانا. قازاقپارات - قاراعاندى وبلىسىنىڭ تۇرعىنى ەرمەك كارىم كەز كەلگەن اعاشتى كەرەككە جاراتاتىن حاس شەبەردىڭ ءوزى.
ەرمەك كارىم قىمىز قۇياتىن تەگەنە، ساپتاياق، پىسپەك، ەت تارتاتىن استاۋلار مەن ۇلتتىق اسپاپتاردىڭ ءتۇر- ءتۇرىن جاسايدى.
اتتىڭ ەر- تۇرمانى مەن ابزەلدەرىن دە كەرەمەتتەي ەتىپ كەلىستىرە دايىنداۋدى جەتىك مەڭگەرگەن. قىتايدا تۇرعاندا اتاسىنان دا، ارقا سۇيەر اعاسىنان دا وسىنداي ون ساۋساعىنان ونەر تامعان شەبەرلىكتىڭ قىر- سىرىن كورىپ وسكەن. ەرمەك كارىم تارباعاتاي ايماعى ءدۇربىلجىڭ اۋدانىنداعى قولونەرشىلەر كوللەدجىنەن ارنايى ءبىلىم العان.
ەرمەك كارىم مەملەكەتتىك باعدارلاما ارقىلى قوماقتى قارجىعا قول جەتكىزىپ، وعان شەبەرحاناعا قاجەتتى قوندىرعىلاردى ساتىپ الدى. «بۇنى ىسكە قوسقان سوڭ جۇمىس ءبىرشاما جەڭىلدەپ، تابىس ەسەلەنەتىنى ءسوزسىز»، - دەيدى شەبەر.
