ناتو ءىرى اسكەري وقۋ- جاتتىعۋ باستادى
19 - قازان كۇنى باستالعان Trident Juncture جاتتىعۋلارىندا اليانستىڭ جەردەگى، تەڭىز بەن اۋەدەگى اسكەري مۇمكىندىكتەرىن تەكسەرۋ كوزدەلگەن.
سيتسيلياداعى اۆيابازاداعى جاتتىعۋلارعا 30 ەلدەن 36 مىڭنان استام اسكەري جانە ازاماتتىق قىزمەتكەر كەلگەن. شاراعا 130 ۇشاق، 16 تىكۇشاق پەن 60 كەمە مەن سۋاستى قايىقتارى قاتىسىپ جاتىر.
وقۋ- جاتتىعۋدىڭ كومانديرى نەمىس گەنەرالى حانس- لوتار دومرەزەنىڭ سوزىنشە، ودان كۇتەتىن ناتيجە «ناتو كەز كەلگەن قاقتىعىستا قارسى تۇرا الادى، ناتو تالاي سىناقتان وتكەن جانە ناتو دايىندىعى جوعارى» ەكەندىگىن كورسەتۋ.
جاتتىعۋلارعا ناتو مۇشەسى بولىپ سانالمايتىن ۋكراينا ءتارىزدى ەلدەر مەن كەيبىر اسكەري ۇيىمداردىڭ دا وكىلدەرى قاتىسىپ جاتىر. جاتتىعۋدىڭ قالاي وتەتىنىن كورۋ ءۇشىن رەسەي باقىلاۋشىلارى دا شاقىرىلعان.
وقۋ- جاتتىعۋ بىلتىر رەسەيدىڭ ۋكرايناداعى ارەكەتىنە ناتو- نىڭ جاۋابى رەتىندە قۇرىلعان كۇشەيتىلگەن اسكەردىڭ دايىندىعىن تەكسەرۋگە ارنالعان.
«ازاتتىق»
