10:31, 20 - قازان 2015 | GMT +5
تارازدا جۇرەككە وپەراتسيا جاساۋدىڭ تىڭ ءتاسىلى تالقىلانۋدا
استانا. قازاقپارات - تارازدىق كارديوحيرۋرگتار مەن تۇركيا، قىتاي جانە اۆستريادان كەلگەن دارىگەرلەر تاجىريبە الماسۋدا. اسىرەسە، ولار جۇرەككە وپەراتسيا جاساۋدىڭ تىڭ تاسىلىنە ەرەكشە ءمان بەرۋدە.
بۇل تەحنيكانىڭ ەرەكشەلىگى وپەراتسيا جاساۋ كەزىندە ناۋقاستىڭ دەنەسى بارىنشا كىشى مولشەردە تىلىنەدى. بۇل ناۋقاستىڭ تەز ساۋىعىپ، وپەراتسيانى جەڭىل كوتەرۋىنە ىقپال ەتەدى.
سونىمەن قاتار جاڭا ەلەكترودتار قولدانۋ ارقىلى بۇيرەككە 7 وپەراتسيا جاسالادى دەپ كۇتىلۋدە. كارديوحيرۋرگتاردىڭ پىكىرىنشە، وزىق تەحنولوگيامەن ەمدەۋ ءولىم- ءجىتىمدى ەداۋىر ازايتىپ، قارت ادامداردىڭ ءومىرىن ۇزارتۋعا سەپ بولادى.
سەيىتحان جوشىبايەۆ، عىلىمي- كلينيكالىق كارديوحيرۋرگيا جانە ترانسپلانتولوگيا ورتالىعىنىڭ ديرەكتورى:
- تەحنولوگيالارى ءبىر- بىرىنەن باسقاشا كورىنەدى. سوندا قازىر ءۇش ءتۇرلى تەحنولوگيانى سالىستىرعانداي بولىپ جاتىرمىز. سونىڭ ارقاسىندا ءبىز سول ۇشەۋىنىڭ اراسىنان ەڭ قولايلىسىن، اۋرۋ كىسىلەرگە جەڭىلىن تاڭداپ الامىز.
