الەمدەگى ەڭ ارزان كولىك تانىستىرىلدى

استانا. قازاقپارات - ءۇندىستاننىڭ موتوتەحنيكا شىعارۋمەن اينالىساتىن Bajaj كومپانياسى الەمدەگى ەڭ ارزان كولىك قۇرالىن تانىستىردى، دەپ جازادى 24.kz.

Bajaj Qute قوزعالتقىشىنىڭ كولەمى نەبارى 217 كۋب سانتيمەتر. ەڭ ارزان كولىكتىڭ باعاسى 2 مىڭ ا ق ش دوللارى تۇرادى. تەحنيكالىق سيپاتتاماعا كەلسەك، Bajaj Qute قۋاتى 13 ات كۇشىن قۇرايتىن قوزعالتقىشپەن، 5 ساتىلى بەرىلىس كوروبكاسىمەن جاراقتالعان.

ونىڭ ەڭ كوپ جىلدامدىعى ساعاتىنا 70 شاقىرىمدى قۇرايدى. ەندى ەڭ ارزان كولىك لاتىن امەريكاسى مەن افريكانىڭ 16 ەلىندە ساۋداعا شىعارىلادى. ءبىر قىزىعى، ءۇندىستان تۇرعىندارىنىڭ ءوزى Bajaj Qute كولىگىن ساتىپ الا المايدى. سەبەبى تەمىر تۇلپار ەلدىڭ قاۋىپسىزدىك جانە ەكولوگيالىق تالاپتارىنا ساي كەلمەيدى. سونداي-اق Bajaj Qute مۇندا كۆادروتسيكل رەتىندە تىركەلگەن.

ال ءۇندى جەرىندە كۆادروتسيكلدى جەكە تۇلعالارعا ساتۋعا تىيىم سالىنعان، دەپ جازادى informing.ru.