دوحادا قازاقستان مەن كاتار اراسىنداعى ساۋدا-ەكونوميكالىق جانە ينۆەستيتسيالىق ىنتىماقتاستىق ماسەلەلەرى قارالدى

استانا. قازاقپارات - بۇگىن، 19-قازاندا دوحا قالاسىندا (كاتار) قازاقستان رەسپۋبليكاسى ۇلتتىق ەكونوميكا ءمينيسترى ەربولات دوسايەۆ جانە كاتار مەملەكەتىنىڭ ەكونوميكا جانە ساۋدا ءمينيسترى شەيح احمەد بين دجازيم ال ءتانيدىڭ توراعالىعىمەن جوعارى دەڭگەيدەگى 4- ۇكىمەتارالىق وتىرىس وتكىزىلدى.

بۇل تۋرالى ق ر ۇلتتىق ەكونوميكا مينيسترلىگىنىڭ باسپا ءسوز قىزمەتىنەن حابارلادى.

وتىرىس بارىسىندا قازاقستان رەسپۋبليكاسى جانە كاتار مەملەكەتىنىڭ ساۋدا-ەكونوميكالىق جانە ينۆەستيتسيالىق ىنتىماقتاستىق، ازاماتتىق اۆياتسيا، «Qatar Investment Authority»- كە كىرۋى ماسەلەلەرى قارالدى.

سونداي-اق، كوميسسيا شەڭبەرىندە تاراپتار 25-26- قازانداعى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ رەسمي ساپارى بارىسىندا قول قويۋعا جوسپارلانىپ وتىرعان كەلىسىمدەردىڭ جوبالارىن تالقىلادى.

سونىمەن قاتار، ەربولات دوسايەۆ كاتار مەملەكەتىنىڭ سىرتقى ىستەر ءمينيسترى حالەد بەن مۋحاممەد ال- اتتىيامەن كەلىسسوزدەر جۇرگىزدى. كەزدەسۋ شەڭبەرىندە مينيسترلەر ەكى ەل اراسىنداعى ىنتىماقتاستىقتى كەڭەيتۋدىڭ ءبىرقاتار ماسەلەلەرىن تالقىلادى.