پرەمەر- مينيستر سيىر ەتىنەن باس تارتۋعا شاقىردى
ونىڭ ايتۋىنشا، قوعام اراسىندا كيكىلجىڭ تۋدىرىپ، يندۋس دىنىدەگىلەردىڭ ءدىني قۇقىقتارىن قورلاماس ءۇشىن مۇسىلماندار سيىر ەتىنەن باس تارتۋى ءتيىس. «ەگەر ولار سيىر ەتىن جەمەسە، مۇسىلمان بولماي قالمايدى عوي، - دەيدى ول. - بۇل حريستياندارعا قاتىستى!»
وسى سوزدەرىنەن سوڭ ول بيىلعى جىلدىڭ 30-قىركۇيەگىندە بولعان وقيعا جايلى دا ءوز ويىن بىلدىرە كەتتى. مۋحاممەد اقحلاق ەسىمدى مۇسىلمان جىگىتىن سول كۇنى ءبىر توپ يندۋستار ونى جاسىرىن سيىر ەتىن جەپ جۇرگەن دەگەن جەلەۋمەن ءولىمشى ەتىپ ساباپ، كوز جۇمۋىنا ايىپتى بولعان ەدى. مۇسىلمان جاماعاتى اقحلاقتىڭ ءولىمى ءۇشىن كەك الماق بولعان توبەلەس باستالعان بولاتىن. ءتارتىپ ساقشىلارى كىسى ولىمىنە قاتىستى دەگەن 30 عا جۋىق جاندى تۇتقىنداپ، جانجالدى دەر كەزىندە توقتاتىپ ۇلگەرگەن ەدى.
لال كحاتتار ادام ولتىرگەن قىلمىسكەردى جاقتاپ تۇرماعانىن، الايدا بۇل وقيعا ولاردىڭ «قاسيەتتى جانۋارى» سيىر مالىنىڭ سويىلعانىنان بارىپ تۋىنداعانىن ايتادى.
كحاتتاردىڭ بۇل مالىمدەمەسىنە قاتىستى ەلدەگى وپپوزيتسيالىق پارتياسى « ءۇندى ۇلتتىق كونگرەسسى» ءوز قارسىلىعىن تانىتتى. پارتيا جاۋابىندا مۇنداي مالىمدەمە جاساعان ادامنىڭ «ەل باسقارۋعا قۇقىعى جوق» دەپ ايتىلعان.
