بايان ەسەنتايەۆا: كۇيەۋىم مەنەن قارىزعا اقشا سۇراسا، تيىنىنا دەيىن قايتارىپ بەرەدى
ءبىراق ەلىمىزدە ەتەك العان داعدارىس بەدەلدى پروديۋسەردى دە اينالىپ وتپەپتى. «كەشيۋ» توبىنىڭ جەتەكشىسى وقىرماندارمەن اقشانى قالاي ۇنەمدەۋ جايىندا جانە وتباسى تۋرالى ويىمەن ءبولىستى، دەپ جازادى NUR.KZ Today.kz-كە سىلتەمە جاساپ.
سوڭعى كەزدەرى ەسەنتايەۆانىڭ بيزنەسىندە باسەڭدەۋ بايقالعاندىقتان، بايان قول استىنداعى ادامداردى جۇمىسپەن قامتاماسىز ەتۋ ءۇشىن داعدارىسقا قارسى باعدارلاما دايىنداۋدا. پروديۋسەر انشىلەرمەن بىرگە گاسترولگە شىعىپ، قالا مەن اۋىلداردى ارالاۋعا قىزۋ كىرىستى.
بەس جىلدا كينو ءتۇسىرىلىپ، باعدارلامالار جاسالىپ، ارتىستەر ۇزدىكسىز ونەر كورسەتكەن باياننىڭ بيزنەسىندە قازىر قيىن ءسات تۋعان سەكىلدى. ەسەنتايەۆا مۇنداي كەزدە سوعىستىڭ ەڭ اۋىر كەزەڭىندە كەرەمەت كيىم دۇكەندەرىن اشقان كوكو شانەلدى ەسكە الادى. داعدارىستى ناعىز اقشا تاباتىن ۋاقىت دەپ ايتقان ستيۆ دجوبستىڭ ءسوزىن جادىندا ۇستايدى.
بايان ەسەنتايەۆا جانار دۇعالوۆاعا قاتىستى پىكىرىندە ونىڭ پروديۋسەرى بولعانىنا ءالى دە كۇمانمەن قارايتىنىن اشىق ايتتى.
«جاناردىڭ ءبىر رەت تە كوڭىلى تولعانىن كورگەن ەمەسپىن. ونىڭ پروديۋسەرى بولعانىم دۇرىس بولدى ما، بىلمەيمىن» - دەيدى ەسەنتايەۆا.
جانار دۇعالوۆانىڭ «شاين» ورتالىعىمەن كەلىسىم-شارتى 1- قازاندا اياقتالعان. مەرزىمى تاياعان ءارتىس پروديۋسەرىنەن ەركىندىككە جىبەرۋىن سۇراعان. بايان جاناردىڭ شەشىمىنە قارسى بولماي، ءتىپتى جانارعا جۇمسالعان اقشانى كەرى قايتارۋىن دا سۇراماپتى.
«جاناردىڭ پاتەرى مەن كولىگىن تارتىپ المايمىن عوي ەندى. جانار دۇعالوۆا «كەشيۋدىڭ» قۇرامىندا بولعاندا، توپ التى جىلدىڭ ىشىندە ميلليونداعان دوللار تابىس اكەلدى، قىزدارعا جۇمساعان قارجىمدى شىعارىپ الدىم»، - دەيدى ول.
بايان ەسەنتايەۆا جەكە تۇلعالاردىڭ ساۋىق كەشتەرىن تاۋ باسىنداي التىن بەرسە دە جۇرگىزبەيتىنىن العا تارتادى. ۇلكەن سوماداعى اقشا ۇسىنسا دا، ءارتىس قاشان دا باس تارتادى ەكەن.
سىرت كوزگە الاڭسىز ءومىر سۇرەتىن ەسەنتايەۆا قيىن ساتتەردى دە تالاي باسىنان كەشكەن. مۇنى پروديۋسەر وتباسىلىق ومىرىمەن بايلانىستىرادى.
«قولىما شۇبەرەك الىپ، ەدەن جۋعان، كۇيەۋىمنىڭ جەيدەسىن ۇتىكتەگەن كەزدەرىم دە بولدى. ءبىر كۇنى تاڭەرتەڭ ويانسام، تەلەديداردىڭ استىنداعى شاڭعا كوزىم ءتۇستى. وندا «مىناۋىڭ ۇيات ەمەس پە» دەپ جازىلعان ساۋساق ىزدەرى جاتىر. سودان كەيىن مۇنداي ومىرگە جارالماعانىمدى ءتۇسىندىم»، - دەيدى بايان اڭگىمەسىندە.
وسى جاعدايدان سوڭ بايان جەتى جىل بويى تەلەارنالاردا ىستەپ، جاقسى رەپورتاج ءتۇسىرۋ ءۇشىن قوقىس ۇيىندىسىندە دە جۇرۋىنە تۋرا كەلگەن.
جان-جارىنىڭ وپاسىزدىعىنا قاتىستى قويىلعان سۇراققا بايان 21 جىل بويى كۇيەۋىنىڭ ماحابباتىن سەزىنىپ كەلگەنىن العا تارتتى. ءارتىس جارىنىڭ كوزىنە ءشوپ سالۋى مۇمكىن ەكەنىن ويلاسا دا، بۇعان اسا ءمان بەرمەۋگە تىرىسادى.
باياننىڭ ايتۋىنشا، كۇيەۋى وتە قىزعانشاق جان، ولار جۇبايلىق ءومىردىڭ العاشقى كەزدەرى ءجيى ۇرىسىپ قالاتىن. بايان ءتىپتى ءۇش رەت اجىراسۋعا ارىز بەرگەن كورىنەدى. پروديۋسەردىڭ پىكىرىنشە، وتباسىلىق العاشقى ون جىل سوعىس سەكىلدى دەيدى. ال قازىر ەرلى-زايىپتىلار ءبىر-بىرىنە قولداۋ كورسەتەدى.
«كۇيەۋىم مەنەن قارىزعا اقشا سۇراسا، تيىنىنا دەيىن قايتارىپ بەرەدى. مەنىڭ ۇستانىمىم سونداي. ەگەر مەن تاپقان اقشا بولسا - ول مەنىڭ اقشام، ال كۇيەۋىمنىڭ تابىسى- جانۇيامىزدىڭ اقشاسى. مەنىڭ تابىسىم وعان ءالى كۇنگە دەيىن قۇپيا»، - دەيدى ەسەنتايەۆا.
سىرت بولمىسى قايراتتى بولعانىمەن، ەسەنتايەۆانىڭ ءالسىز تۇسى بالالارى ەكەن. پروديۋسەر بۇل كۇيگەلەكتىگىنىڭ كەسىرىنەن ءتىپتى پسيحولوگتىڭ كومەگىنە جۇگىنگەن.
ءبىراق قىزدارىنىڭ قالاۋى مەن پىكىرىن قۇرمەتتەيتىن بايان ۇلكەن قىزىن كاليفورنياعا وقۋعا جىبەرگەن. ايساۋلە قازىر مەدي-امەنەدجەر ماماندىعى بويىنشا امەريكادا ءبىلىم الۋدا. وقۋىن بىتىرگەن سوڭ، ول ەسەنتايەۆانىڭ بيزنەسىن جالعاستىرماق.
