21:43, 19 - قازان 2015 | GMT +5
سۋىر ءىنى جانىنان ەجەلگى ءارى بەلگىسىز جادىگەر تابىلدى
استانا. قازاقپارات - شىعىس پەنسيلۆانياداعى دەلاۆەر وزەنىنىڭ جاعالاۋىندا تابىلعان جادىگەر ايماقتىڭ تاريحى قۇپياعا تولى ەكەنىن كورسەتەدى، دەپ جازادى epochtimes.ru.
وزەن جاعالاۋىنا جاقىن جەردەگى ۋچاسكە يەسى سۋىر ءىنىنىڭ ماڭىنان اق بالشىقتان جاسالعان ىدىستى تاپتى. كوزى قاراقتى ايەل مۇنىڭ تەگىن زات ەمەستىگىن بىلگەن.
«اق بالشىقتا (كاولين) قوسپا بولمايدى، ۇندىستەر ءوز كەراميكاسىنا سول ماڭداعى تابيعي بالشىقتاردى پايدالانعان. سونىمەن قاتار، دەلاۆەر ۇندىستەرىنىڭ كەراميكاسى ادەتتە قارا ءتۇستى، ولار تابيعي قوسپالاردى قوساتىن، سونىڭ ىشىندە ءشوپ پەن تاستاردى»، دەپ ءتۇسىندىردى ول. سونداي-اق بۇل وزگەشە زاتتىڭ سيممەتريالىق ءپىشىنى ونىڭ قۇيىلىپ جاسالعانىن كورسەتەدى. بۇل سولتۇستىك امەريكانىڭ كەراميكالىق بۇيىمدارىنا جات نارسە.
