نۇرسۇلتان الەمدىك گران-پريدە التىن يەلەندى - فوتو

استانا. قازاقپارات - مانچەستەر قالاسىندا وتكەن الەمدىك گران-پري جارىسىنىڭ ەكىنشى كۇنى قازاقستاندىق تاەكۆاندوشى نۇرسۇلتان مامايەۆ ءۇشىن تابىستى بولدى، دەپ حابارلايدى قازاقستان تاەكۆوندو فەدەراتسياسىنان.

22 جاستاعى سپورتشى 58 كەلىگە دەيىنگى سالماق دارەجەسىندە ءبىرىنشى ورىندى جەڭىپ الدى، ءسويتىپ التىن مەدال يەلەندى.

نۇرسۇلتان بەلگيالىق مۋراد لاحراكۋيدى (9:4) جانە سي موحامەد كەتبيدى (13:8)، پورتۋگالدىق رۋي براگانكانى (6:4) جەڭدى. وڭتۇستىك كورەيالىق كيم تە حان ونىمەن كۇرەسۋدەن باس تارتتى.

فينالعا يسپاندىق تورتوسا كابرەرامەن شىعىپ، نەگىزگى ۋاقىتىن تەڭ (5:5) ەسەپپەن اياقتاعان مامايەۆ، قوسىمشا راۋندتا «التىن ۇپايعا» يە بولدى.