15:51, 20 - قازان 2015 | GMT +5
اتىراۋدىڭ بيىلعى ەڭ سۇلۋ ارۋى انىقتالدى - فوتو
استانا. قازاقپارات - «اتىراۋ ارۋى-2015» اتاعىن 17 جاستاعى گاۋھار قاسايەۆا جەڭىپ الدى، - دەپ حابارلايدى Tengrinews.kz ءتىلشىسى.
قىزعا 200 مىڭ تەڭگە كولەمىندە سىياقى بەرىلدى. گاۋھارعا ءتاجدى بىلتىرعى جەڭىمپاز اراي سەرىكبايەۆا تاپسىردى. ەندى اتىراۋدىڭ ارۋى قالاسىن 10 جەلتوقساندا استانادا وتەتىن «قازاقستان ارۋى» بايقاۋىندا تانىستىراتىن بولادى.
«اتىراۋ ارۋى-2015» بايقاۋىنىڭ فينالىنا 12 قىز قاتىستى. كونكۋرس ءداستۇر بويىنشا بىرنەشە كەزەڭنەن تۇردى: ۇلتتىق كيىمدە شىعۋ، دارىندىلار سايىسى مەن كەشكە كيۋگە ارنالعان كويلەكتەردەن ءسان كورسەتۋ. گاۋھار قاسايەۆا قازىلار القاسىن ءوزىنىڭ اكتەرلىك قابىلەتىمەن تاڭعالدىردى.
سۋرەتتەر Tengrinews.kz سايتىنان الىندى
