ن. نازاربايەۆ: كاسىپورىندار مەملەكەت قاراجاتپەن قامتاماسىز ەتەدى دەپ كۇتپەۋى ءتيىس
بۇل تۋرالى مەملەكەت باسشىسى پرەمەر-مينيستر كارىم ءماسىموۆتى قابىلداۋ كەزىندە مالىمدەدى، دەپ حابارلايدى اقوردانىڭ باسپا ءسوز قىزمەتىنەن.
كەزدەسۋ بارىسىندا ك. ءماسىموۆ مەملەكەت باسشىسىنا ەلدىڭ الەۋمەتتىك-ەكونوميكالىق دامۋى جانە نەگىزگى مەملەكەتتىك باعدارلامالاردىڭ جۇزەگە اسىرىلۋ بارىسى تۋرالى باياندادى.
مەملەكەت باسشىسى ونەركاسىپتىك كاسىپورىنداردىڭ كورسەتكىشىن ارتتىرۋدىڭ، سالىنىپ قويعان نىسانداردىڭ قۋاتىن پايدالانۋدىڭ ماڭىزدىلىعىن اتاپ ءوتتى.
«كاسىپورىندار مەملەكەت قاراجاتپەن قامتاماسىز ەتەدى دەپ كۇتپەۋى ءتيىس. ولاي بولمايدى، ۇلتتىق قوردىڭ اقشاسىن جاڭا نىساندار قۇرىلىسىنا، سونداي-اق ناشار جۇمىس ىستەيتىن كاسىپورىنداردى قولداۋعا، سۋبسيديالاۋعا پايدالانۋعا تىيىم سالامىن. بۇل جاعدايدا قانداي ءوندىرىس ءتيىمدى، قايسىسى ءتيىمسىز جۇمىس ىستەيتىنى بىردەن كورىنەدى. سونداي-اق ءبىز بارىنشا ءتيىمدى مەنەدجەمەنت تارتۋ ءۇشىن جەكەشەلەندىرۋ جۇرگىزەمىز»، - دەدى قازاقستان پرەزيدەنتى.
كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرما بەردى.
