قىتاي ماماندارى كۇيزەلىسكە ەڭ كوپ ۇشىراتاتىن كاسىپتەر ءتىزىمىن قۇردى
ولارعا ادامداردىڭ ءوز دەنساۋلىقتارىن قۇرتىپ، وزدەرىنە كوپ مىندەتتەر الۋىنا تۋرا كەلەتىن جانە وزدەرى تۇك شەشپەيتىن كاسىپ تۇرلەرى جاتقىزىلادى، دەپ جازادى The Telegraph.
وسىلايشا، جۇمىسى كوپ جانە از تولەنەتىن كاسىپ تۇرلەرى (مىسالى، داياشىلار) ادامداردىڭ جۇرەك اۋرۋلارىنا (يشەميالىق ينسۋلت الۋ مۇمكىندىگى 58 پايىزعا دەيىن ارتىپ وتىر) شالدىعۋ قاۋپىن ارتتىرادى.
ال كۇيزەلىسكە از ۇشىرايتىن عالىمدار مەن ساۋلەتشىلەر ءۇشىن جۇرەك اۋرۋلارىنا شالدىعۋدىڭ قاۋپى ۇلكەن ەمەس. ايتا كەتەيىك، اۋىسىم كەستەسىمەن ىستەلەتىن جۇمىس وبىردىڭ دامۋى مەن جالپى العاندا دەنساۋلىقتىڭ بۇزىلۋىنا اكەلىپ سوقتىرۋى ابدەن مۇمكىن. سونداي-اق «قارا تىزىمدەگى» كاسىپتەردىڭ قىزمەتكەرلەرى دەنساۋلىقتارىنا دۇرىس قاراماي، تەمەكى شەگىپ، ناشار تاماقتانادى، جاتتىقپايدى دەپ ويلاۋعا نەگىز بار.
رەيتينگتى قۇرعاندا جالپى العاندا 138782 ادامنىڭ مالىمەتتەرى ەسەپكە الىنعان (كۇيزەلىس دەڭگەيى، ولاردىڭ دەنساۋلىق جاعدايى، جۇمىس ساپاسى تىركەلگەن). ادامداردى 3 جىلدان 17 جىلعا دەيىن باقىلاعان. جالپى العاندا كۇيزەلىستىڭ جوعارى دەڭگەيى بار جۇمىس قىزمەت كورسەتۋ سالاسىندا (داياشىلار، كۇتۋشىلەر) بولعان. سونداي-اق ونداي جۇمىس ەر ادامدار اراسىندا ينسۋلت قاۋپىن 4,4 پايىزعا، ال ايەلدەر اراسىندا 6,5 پايىزعا وسىرگەن.
