دۋبلينگە ۇشقان ۇشاقتىڭ جولاۋشىسى كورشىسىن تىستەپ، ودان كەيىن قايتىس بولدى
The Irish Independent تىڭ حابارلاۋىنشا، وقيعا جەكسەنبى، 18 -قازان كۇنى ورىن العان.
ەكى ساعاتتىق ۇشۋ كەزىندە 24 جاستاعى ەر ادام ۇرەيى ۇشىپ، قاسىندا وتىرعان كورشىسىن تىستەپ الدى. ەكيپاج مۇشەلەرى اقىلعا قونىمسىز ارەكەت جاساعان جولاۋشىنىڭ قولدارىن بۇراپ تاستادى، ال اۋە كەمەسىنىڭ كاپيتانى شۇعىل قونۋ ءوتىنىشىن جاساعان. كوپ ۇزاماي، ەر ادام ءوزىن ناشار سەزىنىپ، ەسىنەن تانعان.
Airbus A320-200 اۋە كەمەسى ساعات 17:40 تا (ماسكەۋ ۋاقىتىمەن ساعات 19:40) يرلانديانىڭ كورك اۋەجايىنا شۇعىل قونعان، دەپ جازادى لەنتا. رۋ. The Irish Mirror- دىڭ حابارلاۋىنشا، سول ۋاقىتقا دەيىن جولاۋشى جان ءتاسىلىم ەتكەن. ۇشاقتىڭ تراپىنا كەلگەن دارىگەرلەر تىستەلگەن ەر ادامدى قاراپ شىقتى. ول اۋرۋحاناعا جەتكىزىلدى.
ۇشاقتىڭ بورتىندا 168 جولاۋشى مەن ەكيپاجدىڭ التى مۇشەسى بولعان. ولار دۋبلينگە اۆتوبۋستارمەن جەتكىزىلەدى.
الدىن الا مالىمەتتەرگە قاراعاندا، قايتىس بولعان ەر ادام يرلانديانىڭ ازاماتى ەمەس، ول ەلدەگى ج و و- نىڭ ءبىرىنىڭ ستۋدەنتى بولعان.
