10:04, 19 - قازان 2015 | GMT +5
لەمە گولوۆكينمەن قارىمتا كەزدەسۋ وتكىزگىسى كەلەدى
استانا. قازاقپارات - IBF نۇسقاسى بويىنشا بۇرىنعى الەم چەمپيونى داۆيد لەمە قازاقستاندىق بوكسشى گەننادي گولوۆكيننەن جەڭىلۋىنە بايلانىستى ءوز پىكىرىن ءبىلدىردى، دەپ حابارلايدى Sports.kz.
ءوزىنىڭ اۋىر سوققىلاردىڭ استىندا قالعانىنا قاراماستان لەمە رەفەري كەزدەسۋدى ەرتە توقتاتىپ قويدى دەگەن سەنىمدە. بۇعان قوسا ول گولوۆكينمەن قارىمتا كەزدەسۋدە كۇش سىناساتىنىن ايتتى.
«مەن ونى قۇرمەتتەيمىن. ول - ۇلى بوكسشى. كەيبىر راۋندتاردا قاۋىپ جوعارى بولدى، ءبىراق ول توقتاتۋعا لايىق دەگەنگە سەنبەيمىن. ءبىز كوپ نارسەنى جوسپارلاپ قويعان ەدىك جانە ولار رەت- رەتىمەن كەلە جاتىر ەدى. مەن تەك قولايلى ءساتتى كۇتىپ ءجۇر ەدىم. سوندىقتان رەفەري كەزدەسۋدى ەرتەرەك توقتاتىپ قويدى دەپ سانايمىن. مەن ءارى قاراي جالعاستىرا الاتىن ەدىم. قازىر مەن ەشتەمە دەمەي- اق قويايىن، ءبىراق الداعى ۋاقىتتا ءبىز ونىمەن كەزدەسەتىن بولامىز»، - دەدى داۆيد لەمە.
