باقىتتى ادامدار ۇزاق ءومىر سۇرەدى

استانا. قازاقپارات - باقىتتى ادامدار باقىتسىزداردان گورى تابىس دەڭگەيى، دەنساۋلىق جانە وتباسى جاعدايلارىنا قاراماستان ۇزاق ءومىر سۇرەدى.

مۇنداي تۇجىرىمدى سولتۇستىك كارولينا ۋنيۆەرسيتەنىنىڭ عالىمدارى جاسادى، دەپ جازادى meddaily.ru. ولار 30 جىل بويى زەرتتەۋگە قاتىسقان 3 مىڭ ەرىكتى ادامنىڭ ءومىرىن باقىلاعان. زەرتتەۋشىلەر قاتىسۋشىلاردان ولاردىڭ قانشالىقتى باقىتتى ەكەنىن سۇرادى. ودان كەيىن ەرىكتىلەردىڭ جاۋاپتارىن الدىن الا ءولىم قاۋپىمەن سالىستىرعان، دەپ حابارلايدى The Daily Mail.

باقىتسىز ادامدار وزدەرىن وتە باقىتتى سەزىنگەندەردەن گورى 14 پايىز ءجيى قايتىس بولعانى انىقتالدى. بۇدان باسقا، وزدەرىن ونشا باقىتتى ەمەس سەزىنگەن قاتىسۋشىلار باقىتتى ادامدارعا قاراعاندا 6 پايىز ءجيى كوز جۇمعان. مامانداردىڭ پىكىرىنشە، باقىتتى ادامدار كۇيزەلىسكە جاقسى توتەپ بەرە العان جانە ولاردىڭ دوستارى كوپ. ءومىردى ۇزارتاتىن وسى سەبەپتەر.

ايتا كەتەيىك، اۆستراليا عالىمدارى تاياۋدا ادامداردىڭ قانشا جاستا باقىتتى ەكەنىن انىقتاعان. وسىلايشا، ومىرگە قاناعاتتانۋشىلىق دەڭگەيى 15 تەن 20 جاسقا دەيىن كۇرت تومەندەي تۇسەدى. ودان كەيىن 20-35 جاس ارالىعىندا بىرتىندەپ ازايۋ اتاپ وتىلەدى. ادامداردىڭ ءوز ومىرلەرىنە قاناعاتتانۋشىلىق سەزىمىنىڭ ەڭ تومەن دەڭگەي - 35 پەن 50 جاس ارالىعىندا. ودان كەيىن ول جوعارىلاي باستايدى.