رەيسكە كەشىگىپ قالعان جولاۋشى اۋەجايدا اسىلىپ قالدى

استانا. قازاقپارات - بريتانيانىڭ ازاماتشاسى ستامبۋل اۋەجايىندا اسىلىپ قالدى.

بۇعان ونىڭ رەيسكە كەشىگىپ قالۋى سەبەپ بولعان، دەپ جازادى Hurriyet Daily News.

جاكلين ەنن ساتتون (Jacqueline Anne Sutton) تۇركيا شاھارىنا 17 -قازان كۇنى لوندوننان كەلىپ جەتكەن. ول ۇشاق اۋىستىرىپ، ەربيلياعا (يراك، كۇردىستان استاناسى) اتتانۋى ءتيىس بولعان. الايدا ول ۇشاققا كەشىگىپ قالعان.

اۋەجاي قىزمەتكەرلەرى بۇل ءۇشىن ەشقانداي وتەماقى تولەنبەيتىنىن حابارلاعان. ساتتون بولسا ونىڭ باسقا بيلەت ساتىپ الۋعا اقشاسى جوق ەكەنىن ايتقان. كەيىن ول دارەتحاناعا بارىپ، اياق كيىمىنىڭ باۋىنا اسىلىپ قالعان.

مارقۇمنىڭ دەنەسىن رەسەيلىك ءۇش جولاۋشى تاۋىپ العان. قۇقىق قورعاۋشىلار وقيعا بويىنشا تەرگەۋدى باستاپ كەتتى.