09:48, 19 - قازان 2015 | GMT +5
اراب كواليتسياسى ءوز وداقتاستارىن بومبالادى
استانا. قازاقپارات - يەمەندە ساۋد ارابياسى باستاعان كواليتسيا جازا باسىپ، ءوز وداقتاستارىن اۋە سوققىسىنىڭ استىنا الدى.
ولار تايز پروۆينتسياسىنداعى اسكەري لاگەردى بومبالاعان. وندا يەمەن پرەزيدەنتى مانسۋر حاديدىڭ اسكەرى ورنالاسقان بولاتىن. شابۋىلدان 30 سارباز قازا تاۋىپ، تاعى 40 جاۋىنگەر جاراقات الدى.
كواليتسيا مەن جەرگىلىكتى ۇكىمەت وكىلدەرى بولعان وقيعا تۋرالى ازىرگە ەشقانداي تۇسىنىكتەمە بەرگەن جوق. ايتا كەتەيىك، يەمەندە ساۋد ارابياسى باستاعان كواليتسيا ەل پرەزيدەنتىنە قولداۋ كورسەتىپ، شيىتتىك بۇلىكشىلەر - حۋسيتتەرگە قارسى كۇرەس جۇرگىزۋدە.
www.24.kz
