18:25, 18 - قازان 2015 | GMT +5
ەۋروپاعا ءوتۋدى كوكسەگەن بوسقىندار ايۋمەن دە دوس بولۋعا بار
استانا. قازاقپارات - ەۋروپا شەكاراسىن كەسىپ وتۋگە ۇمتىلعان بوسقىندار نەبىر ءتۇرلى ايلاعا بارىپ جاتىر. شىبىن جانىن شۇبەرەككە تۇيگەن ميگرانتتار ايۋمەن دە ءبىر كولىكتە وتىرۋعا بار.
وقيعا كالە قالاسىنداعى شەكارا بەكەتىندە بولعان. ماسكەۋ حايۋاناتتار باعىنان بريتانياعا ساپار شەككەن كولىك كەزەكتە تۇرعان ساتتە ءبىر توپ بوسقىن اق ايۋ تيەلگەن كولىككە تىعىلىپ ءمىنىپتى.
الىپ ايۋدى كورگەن ميگرانتتاردىڭ ءبىرازى قورىققانىنان قايتا سەكىرىپ كەتكەنىمەن ۇشەۋى تاۋەكەلگە بەل بۋعان. ءبىراق بۇل تاۋەكەل ولارعا باق بولمادى. ويتكەنى جول بويى قورىق قىزمەتكەرلەرى ايۋدىڭ ءىس- ارەكەتىن كامەرامەن باقىلاپ كەلگەن. كولىك ىشىنەن بەلگىسىز بىرەۋلەردى كورگەن ولار فرانسيا ءتارتىپ ساقشىلارىنا حابار بەرىپ، بوسقىنداردىڭ بارار جەرىنە جەتۋگە مۇمكىندىك بەرمەگەن.
