يراندىق يادرولىق باعدارلاما بويىنشا كەلىسىم رەسمي كۇشىنە ەندى
Bloomberg اگەنتتىگى اتاپ وتكەندەي، كەلىسىمنىڭ كۇشىنە ەنۋى بارلىق تاراپتار ءۇش اي بۇرىن موينىنا العان بارلىق مىندەتتەردى ورىنداۋعا كىرىسۋى ءتيىس دەگەندى بىلدىرەدى.
يران مىڭداعان سەنتريفۋگانىڭ كونسەرۆاتسيالاپ، بايىتىلعان ۋراننىڭ 95 پايىزىن جويىپ، رەاكتوردى جاڭعىرتۋى ءتيىس. ا ق ش پەن ەۋروپا سانكسيالاردان باس تارتۋعا دايىندالۋى ءتيىس. ولار يران كەلىسىمدەگى ءوز مىندەتتەرىن ورىنداپ بولعان سوڭ بۇل شارانى جۇزەگە اسىرادى.
«بۇل يراننىڭ يادرولىق قارۋعا قولى جەتپەيتىنىنە، وسىلايشا قاۋىپسىز بولىپ، يراننىڭ حالىقارالىق قوعامداستىقپەن ىنتىماقتاستىقتى قالپىنا كەلتىرۋگە كەپىلدىك بەرەدى»، - دەگەن ۇلى بريتانيانىڭ سىرتقى ىستەر ءمينيسترى فيليپپ حامموندتىڭ ءسوزىن كەلتىردى اگەنتتىك.
2015 - جىلدىڭ شىلدەسىندە «التىلىق» (رەسەي، ا ق ش، قىتاي، ۇلى بريتانيا، فرانسيا مەن گەرمانيا) جانە يران يادرولىق ماسەلە بويىنشا كەلىسىمگە كەلدى. كەلىسىم بويىنشا تەگەران يادرولىق قارۋدى شىعارماۋعا جانە يادرولىق نىسانداردى بەيبىت اتوم وندىرۋگە عانا پايدالانۋعا ۋادە بەرەدى. ال ب ۇ ۇ قاۋىپسىزدىك كەڭەسى، ا ق ش جانە ەۋرووداق وسىعان دەيىن ەلگە سالىنعان ەكونوميكالىق جانە قارجىلىق سانكسيالاردان باس تارتادى.
20 - شىلدەدە يران مەن «التىلىقتىڭ» كەلىسىمىن ب ۇ ۇ قاۋىپسىزدىك كەڭەسى قولدادى. قىركۇيەكتە ا ق ش پرەزيدەنتى باراك وباما يراندىق يادرولىق باعدارلاما بويىنشا كەلىسىمدى قۇپتاۋ ءۇشىن سەناتورلارعا قولداۋ كورسەتەتىنىن ايتتى. 14 - قازاندا يران كونستيتۋتسياسى كۇزەتىنىڭ كەڭەسى تەگەران مەن «التىلىقتىڭ» يادرولىق كەلىسىمىن جۇزەگە اسىرۋدى بەكىتەتىن زاڭ جوباسىن راتيفيكاتسيالادى.
