11:31, 18 - قازان 2015 | GMT +5
تيمۋر قۇلىبايەۆ گەننادي گولوۆكيندى كەزەكتى ايقىن جەڭىسىمەن قۇتتىقتادى
استانا. قازاقپارات - قازاقستان بوكس فەدەراتسياسىنىڭ پرەزيدەنتى تيمۋر قۇلىبايەۆ بوكسشى گەننادي گولوۆكيندى IBF چەمپيونى داۆيد لەمەمەن بولعان جەكپە- جەكتە جەتكەن جەڭىسىمەن قۇتتىقتادى.
بۇل تۋرالى قازاقستان بوكس فەدەراتسياسىنىڭ باسپا ءسوز قىزمەتىنەن حابارلاندى.
بۇدان بۇرىن حابارلانعانداي، قازاقستان بوكسشىسى IBF چەمپيونى داۆيد لەمەنى 8- راۋندتا تەحنيكالىق نوكاۋتپەن جەڭدى.
«ءسىزدىڭ كەزەكتى جانە ءسوزسىز جەڭىسىڭىز بارشا وتانداستارىڭىزدى جىگەرلەندىردى. Madison Square Garden ارەناسىندا IBF چەمپيونى داۆيد لەمەنى جەڭۋ ارقىلى ءسىز بارشا الەمگە بوكستا قازاقستاندىقتارعا تەڭ جوق ەكەنىن تاعى دا كورسەتتىڭىز. ءسىزدىڭ جەڭىستەرىڭىز بالعىن وتانداستارىڭىزدى رۋحتاندىرىپ وتىرادى. بولاشاقتا جاستارىمىز قازاقستاننىڭ سپورتتاعى ابىرويى مەن اتاعىن ەسەلەي تۇسەتىنىنە سەنىمدىمىن. سىزگە جاڭا بەلەستەردى ەڭسەرۋدە تابىستار تىلەيمىن!»، - دەپ اتاپ وتىلگەن ت. قۇلىبايەۆتىڭ قۇتتىقتاۋىندا
اۆتور: رۋسلان عابباسوۆ
