08:20, 18 - قازان 2015 | GMT +5
ليندسي لوحان ا ق ش پرەزيدەنتتىگىنە ۇمىتكەر بولماق
استانا. قازاقپارات - امەريكالىق ءانشى ليندسي لوحان 2020 - جىلى وتەتىن پرەزيدەنتتىك سايلاۋعا قاتىساتىنىن جاريالادى. ول ءوزىنىڭ بۇل شەشىمىن الەۋمەتتىك جەلى ارقىلى جۇرتقا ءمالىم ەتتى،
دەپ جازادى planet-today.ru.
بۇعان دەيىن وسى ەلدىڭ رەپەرى كانە ۋەست تە ءوزىنىڭ پرەزيدەنتتىكتەن دامەسى بارىن بىلدىرگەن بولاتىن. باراك وباما ونىڭ جولى بولاتىنىنا كۇمان كەلتىرگەن بولاتىن. سەبەبى چيكاگولىقتار قارا ءناسىلدىنى سايلاماي قويۋى مۇمكىن.
ليندسي لوحان كانە ۋەستكە وعان جىگەر بەرگەنى ءۇشىن العىس ايتىپتى. اكتريسا پرەزيدەنت بولسا، بۇكىل الەم بويىنشا بالالارعا كومەك بەرۋمەن اينالىساتىنىن ايتقان. ول سونداي- اق ەلدە ەسىرتكى زاتتارىنىڭ تارالۋىنا جانە جانۇيالارداعى زورلىق- زومبىلىققا قارسى ەكەندىگىن مالىمدەگەن.
امەريكا جۇرتشىلىعى بۇل مالىمدەمەگە كۇمانمەن دە، كۇلە دە قاراعان ەكەن. سەبەبى، لوحان ەسىرتكى جانە الكوگولگە تاۋەلدىلىكتەن بىرنەشە مارتە ەمدەلگەن كورىنەدى.
