قىتايدا ازىق-تۇلىك قىمباتتادى

استانا. قازاقپارات - مەملەكەتتىك ستاتيستيكا باسقارماسىنىڭ مالىمەتىنشە، بيىلعى جىلدىڭ قىركۇيەگىندە قىتايدا تۇتىنۋ باعاسىنىڭ يندەكسى (CPI) 0,4 پايىزدىق پۋنكتكە، ونەركاسىپ وندىرۋشىلەرىنىڭ باعا يندەكسى 5,9 پايىزعا تومەندەدى.

«كازاح-زەرنو» ا ا مالىمدەگەندەي، وتكەن ايدا كوكونىس باعاسى 10,4 پايىزعا ءوستى. ەت، قۇس پەن ولاردان جاسالعان ونىمدەر 8,2 پايىزعا قىمباتتاپ، CPI 0,62 پايىزدىق پۋنكتكە ءوستى.

كوكونىس پەن ەت باعاسىنىڭ كوتەرىلۋىنە بايلانىستى ازىق-تۇلىك ونىمدەرىنىڭ قۇنى وتكەن جىلدىڭ سايكەس مەرزىمىمەن سالىستىرعاندا 2,7 پايىزعا ارتتى، دەپ جازادى شينحۋا.

قىركۇيەك ايىندا تەمەكى، ىشىمدىك، كيىم، مەديتسينالىق قىزمەتتەر، مادەني جانە ويىن- ساۋىق تاۋارلارى، ءۇي جابدىقتارى مەن وزگە دە قىزمەتتەردىڭ باعاسى وسسە، كولىك پەن تەلەكوممۋنيكاتسيا قىزمەتتەرى كەرىسىنشە ارزاندادى.

bnews.kz