قاراعاندىلىق بينازير ەرماعانبەتوۆا «گولوس» جوباسىنىڭ ءۇشىنشى كەزەڭىنە ءوتتى - كەسكىن

الماتى. قازاقپارات - قاراعاندىلىق بينازير ەرماعانبەتوۆا رەسەيلىك «گولوس» جوباسىنىڭ ءۇشىنشى كەزەڭىنە ءوتتى.

«جەكپە-جەك» كەزەڭىندە جەرلەسىمىز رافاەل گريگوريانمەن بىرگە Coolio جانە L. V امەريكالىق رەپەرلەرىنىڭ «Gangsta's Paradise»  حيتىن ورىندادى.

زال قاتىسۋشىلاردى جاقسى قارسى الدى.

جەتەكشىلەردىڭ بارلىعى ءوز پىكىرلەرىن ايتقان سوڭ باستا بينازيردىڭ پايداسىنا داۋىس بەرىپ، جوبانىڭ ءۇشىنشى كەزەڭىنە وتكىزدى.

ب. ەرماعانبەتوۆا زاڭگەر ماماندىعىنا وقىعان، قازىر مەديا سالاسىندا قىزمەت ەتەدى، الايدا ءان ايتۋدى ارماندايدى. فۋتبول جانە تاەكۆوندومەن اينالىسقان، العان جاراقاتتارعا بايلانىستى كاسىبي سپورتپەن قوشتاستى.

بەلگىلى رەسەيلىك «گولوس» شوۋىنىڭ جاڭا ماۋسىمى ءبىرىنشى ارنا ەفيرىندە 2015-جىلى 4- قىركۇيەكتەن باستالعان.

«گولوس» شوۋى الەمگە ايگىلى The Voice مۋزىكالىق تەلەشوۋىنىڭ رەسەيلىك نۇسقاسى.

«گولوس» جوباسىنىڭ ءتورتىنشى ماۋسىمىندا پولينا گاگارينا، گريگوري لەپس، الەكساندر گرادسكي جانە رەپەر باستا تالىمگەرلەر بولىپ وتىر.