16:38, 17 - قازان 2015 | GMT +5
تاس جول سالىپ جاتقاندا كونە قورىم تابىلدى - كەسكىن
استانا. قازاقپارات - باتىس پولشاداعى شاعىن اۋىل عالىمداردىڭ نازارىن اۋدارتتى. اۆتوجول سالار الدىنداعى جوسپارلى قازبا جۇمىستارىندا مۇندا كونە قورىم تابىلدى، دەپ حابارلادى epochtimes.ru.
قورىم جاقسى ساقتالعان. جەرلەۋ عۇرپى قولا داۋىرىندەگى راسىمگە سايكەس كەلەدى.
كەي مولالار باي ادامداردىكى بولعان. ولاردا قابىردىڭ ىشىندە اسىل زاتتار بولعان، بەزەندىرىلگەن ىدىستار قويىلعان. كەي بەيىتتەردە بالالاردىڭ ويىنشىقتارى بولدى. سونىمەن قاتار قارۋ تابىلدى.
قازبا جۇمىستارى كۇزدىڭ سوڭىنا دەيىن جالعاسادى. ارحەولوگتاردان باسقا وعان بوتانيكتەر، زوولوگتار مەن انتروپولوگتار قاتىسادى. قازبا جۇمىستارىنىڭ ارقاسىندا زەرتتەۋشىلەر ب. ز. د XII عاسىردان ب. ز. د IV عاسىرعا دەيىن بولعان لۋجيتسكي مادەنيەتى جايىندا تولىعىراق اقپارات الۋعا ۇمىتتەنەدى.
