قازاقستاندىق جاڭا «قىز جولى» تەلەحيكاياسى كورەرمەنگە ۇسىنىلادى - كەسكىن

استانا. قازاقپارات - 21- قازاننان باستاپ «حابار» تەلەارناسىنان «قىز جولى» اتتى قازاق تىلىندەگى جاڭا تەلەحيكايا كورەرمەنگە جول تارتادى، دەپ حابارلايدى khabar.kz.

تەلەحيكايا جەلىسى مىناداي: اقەركە اۋىلداعى ءۇيىن ساتىپ، قالاداعى ۇلكەن اپكەلەرىنە كەلەدى. مىنە، وسى ساتتەن باستاپ ولاردىڭ ومىرىندە شىم-شىتىرىق وقيعالار كوبەيەدى. الدىمەن ۇلكەن اپكەسى گۇلشاتتىڭ ۇيىنە كەلىپ جايعاسقان سوڭ، ونىڭ ازاماتتىق نەكەدەگى جارى سۇلتانمەن ءتىل تابىسا المايدى.

مايرانىڭ دا وتباسى كوپ بالالى بولعاندىقتان، ءبىر شاڭىراق استىندا ءومىر ءسۇرۋ ىڭعايسىز. سونىمەن اقەركە جالدامالى پاتەرگە كوشىپ، قالانىڭ تىرشىلىگىنە ءسىڭىسىپ كەتەدى.

تۋىندىنىڭ رەجيسسەرى: اسقار بيسەمبين.

باستى رولدەردى اينۇر بابايەۆا، بانۋ مانكەيەۆا، بايان قاجنابيەۆا، ماحامبەت مىرزا، ەركەبۇلان دايىروۆ، گۇلنار جاقىپوۆا، ەربول سادىربايەۆ، جانات تىنبايەۆ سىندى ارتىستەر سومدايدى.