08:19, 17 - قازان 2015 | GMT +5
تاعى ءبىر قازاق بوكسشى العاش رەت كاسىبي رينگتە جۇدىرىقتاسادى
استانا. قازاقپارات - قازاقستاندىق تانىمال بوكسشى رومان جايلاۋوۆتىڭ ءىنىسى دايىر جايلاۋوۆ 1- جەلتوقساندا العاش رەت كاسىبي شارشى الاڭعا شىعادى، دەپ حابارلانعان قازاقستان كاسىبي بوكسىنىڭ ۆكونتاكتە الەۋمەتتىك جەلىسىندەگى پاراقشاسىندا.
1- جەلتوقساندا وڭتۇستىك افريكا رەسپۋبليكاسىنداعى كەمپتون پارك قالاسىندا رومان جايلاۋوۆتىڭ ءىنىسى دايىر جايلاۋوۆ ءبىرىنشى جارتىلاي ورتاشا سالماقتاعى (140 فۋنتقا دەيىن - 63,5 كەلى) ءوزىنىڭ دەبيۋتتىك جەكپە-جەگىنە شىعادى. ازىرگە ونىڭ قارسىلاسى كىم بولاتىنى بەلگىسىز.
ءدال وسى كۇنى ءدال وسى قالادا 21 جاسار رومان جايلاۋوۆ ءوز سالماق دارەجەسى بويىنشا جەڭىلىسكە ۇشىرامايتىن كونگولىق بىلعارى قولعاپ شەبەرى 22 جاستاعى پول كامانگامەن كەزدەسەدى. ايتا كەتەيىك، كونگولىق سپورتشى ءبىرىنشى جارتىلاي ورتاشا سالماقتاعى الەمنىڭ ەڭ ۇزدىك بوكسشىلارىنىڭ توپ-30 ىنا كىرەدى. 12 راۋندقا جوسپارلانعان جەكپە-جەك KazSport تەلەارناسىنىڭ تىكەلەي ەفيرىنەن كورسەتىلەدى.
