ارنايى جاساق اسا قاۋىپتى قىلمىسكەر جاسىرىنىپ جۇرگەن «دوردويداعى» تۇرعىن ءۇي الابىن قورشاپ الدى - قىرعىزستان

استانا. قازاقپارات - ارنايى جاساق الدىن الا بولجام بويىنشا، جارالانعان اسا قاۋىپتى قىلمىسكەر ازامات مۇسىراليەۆ جاسىرىنىپ جۇرگەن «دوردوي» تۇرعىن ءۇي الابىنىڭ ورامىن قورشاپ الدى.

بۇل تۋرالى كيرتاگ وقيعا ورنىنان حابارلايدى.

كەيبىر ۇيلەردىڭ تۇرعىندارى قاۋىپسىز جەرگە كوشىرىلۋدە. دەرەككوزدەردىڭ ايتۋىنشا، «قىلمىسكەر ءبىر اۋلادان ەكىنشىسىنە جۇگىرىپ وتۋدە».

قازىرگى كەزدە ارنايى جاساق تۇرعىن سىلەمىنىڭ شىعىس اۋدانىنا باعىت الدى.

بۇعان دەيىن حابارلانعانداي، جۇما كۇنى تاڭەرتەڭ «ەنەساي» تۇرعىن ءۇي ورامدارىنىڭ بىرىندە تۇرمەدەن قاشىپ كەتكەن قىلمىسكەرلەر توبىنداعى ەكەۋ انىقتالدى. ۇستاۋ كەزىندە ولاردىڭ ءبىرى - دانيار قادىراليەۆتى ءۇش رەت اتىپ ءولتىردى. اياعى جارالانعان ەكىنشىسى جاسىرىنىپ ۇلگەردى.

ەسكە سالا كەتەيىك، 12 -قازانعا قاراعان ءتۇنى №50 -تۇزەۋ مەكەمەسىنەن توعىز سوتتالۋشى قاشىپ كەتكەن. قاشۋ كەزىندە ولار تۇرمەنىڭ ءۇش قىزمەتكەرىن قىلقىندىرىپ ءولتىرىپ، بىرەۋىنىڭ باسىن بىرنەشە رەت بالعامەن سوققىلاعان.

توعىز قاشقىننىڭ بەسەۋى ۇستالىپ، تاعى تورتەۋى قاشىپ كەتكەن.

16 -قازانعا قاراعان ءتۇنى تۇزەۋ مەكەمەسىنىڭ جاراقات العان قىزمەتكەرى، پودپولكوۆنيك تىلەك ابىلعازيەۆ كوز جۇمدى.