گەننادي گولوۆكين: «جانكۇيەرلەرىمدى، ءوز ەلىمدى قۇرمەتتەيمىن» - كەسكىن

استانا. قازاقپارات - WBA (Super) جانە WBC (Interim) تۇجىرىمدامالارى بويىنشا ورتاشا سالماقتاعى الەم چەمپيونى، 33 جاستاعى گەننادي گولوۆكين IBF تۇجىرىمداماسى بويىنشا وسى سالماقتاعى الەم چەمپيونى، 26 جاستاعى داۆيد لەمەمەن جەكپە-جەگىنىڭ الدىندا قازاقستاندىق بوكسشى ەلىندەگى جانكۇيەرلەرىنىڭ قولداۋىن سەزىنىپ وتىرعانى تۋرالى ايتتى، دەپ حابارلايدى GGG- دىڭ ۆكونتاكتە الەۋمەتتىك جەلىسىندەگى رەسمي پاراقشاسىنان.

- گەننادي، وسى سەنبى كۇنى سەنىڭ مانسابىڭداعى ەڭ ۇلكەن جەكپە-جەك وتەدى، ءوزىڭدى قالاي سەزىنۋدەسىڭ؟

- ءيا، دۇرىس ايتاسىڭ، بۇل - مەن ءۇشىن ەڭ ۇلكەن جەكپە-جەك. ءوزىمدى تاماشا سەزىنىپ وتىرمىن. مەن وتە سابىرلىمىن، سەبەبى قاسىمدا دوستارىم مەن كوماندام بار، جەكپە-جەككە نەبارى ەكى كۇن قالدى.

- قازاقستاندا سەنىڭ ەسىمىڭدى سالىپ ساپقا تۇرعان ساربازدار تۋرالى سۇراعىم كەلىپ وتىر. سەنىڭ ەلىڭ ەسىمىڭدى جازۋ ءۇشىن وسىلاي بىرىگىپ وتىرعاندا، نە سەزەسىڭ؟

- بۇل - وتە ۇلكەن قولداۋ، مەن ءۇشىن ۇلكەن سىيلىق. ءوز جانكۇيەرلەرىمدى، تۋعان ەلىمدى قۇرمەتتەيمىن. ادامدار سەنىڭ قانداي تۇلعا ەكەنىڭدى تۇسىنەدى.

- ءوزىڭدى مىقتىمىن دەپ سانايسىڭ با؟

- بىلمەيمىن، ونى ۋاقىت كورسەتەدى.

- سەن ونى رينگتە كورسەتەسىڭ عوي...

- ارينە.