سەناتور ي. ادىربەكوۆ قىتاي كوممۋنيستىك پارتياسى شىنجاڭ-ۇيعىر اۆتونوميالىق ولكەسى تۇراقتى كوميتەتىنىڭ مۇشەسىن قابىلدادى
مەيماندى قارسى العان ي. ادىربەكوۆ قىتايمەن تاتۋ كورشىلىك قاتىناستاردى قالىپتاستىرۋ قازاقستاننىڭ سىرتقى ساياساتىنداعى ماڭىزدى باسىمدىقتاردىڭ ءبىرى ەكەنىن اتاپ ءوتتى. «ق ح ر ءتوراعاسى شي جينپيڭ قازاقستانعا پرەزيدەنتتىك سايلاۋدان كەيىن كەلگەن العاشقى شەتەلدىك باسشى بولدى. وسىلايشا ق ح ر ءتوراعاسى قازاقستان مەن قىتاي قاتىناستارىنىڭ ورتالىق ازيا ايماعىنداعى بيىك مارتەبەسى مەن ەرەكشە ماڭىزىن ناقتىلادى»، - دەدى ول.
كەزدەسۋ بارىسىندا ي. ادىربەكوۆ «نۇرلى جول» جاڭا ەكونوميكالىق ساياساتىنىڭ باستى ماسەلەلەرىنە جۇزدەسۋشىنىڭ نازارىن اۋداردى جانە ول باعدارلاما مەن ق ح ر ءتوراعاسى شي جينپيڭنىڭ «ءبىر بەلدەۋ، ءبىر جول» باستاماسى ۇزاق مەرزىمدى ءوزارا ءىس-قيمىل كەلەشەگىنىڭ ورتاق كورىنىستەرىن كورسەتەتىنىن اتاپ ءوتتى.
جۇزدەسۋشىلەر الەمدىك كۇن تارتىبىنە قاتىستى پىكىر الماستى جانە پارلامەنتارالىق ىنتىماقتاستىقتى ودان ءارى تەرەڭدەتۋدىڭ كەلەشەگىن تالقىلادى.
كەزدەسۋگە سەناتور گەورگي كيم دە قاتىستى.
اۆتور: سەرىك قاراجان
