عالىمدار: مامونتتاردىڭ جويىلۋىنا ادامزات كىنالى

استانا. قازاقپارات - امەريكا عالىمدارى مامونتتاردىڭ جويىلۋىنا كليمات ەمەس، ادامزات كىنالى دەگەن قورىتىندىعا كەلدى، دەپ حابارلايدى ميچيگان ۋنيۆەرسيتەتىنىڭ باسپا ءسوز پاراقشاسىنا سىلتەمە جاساعان لەنتا. رۋ.

زەرتتەۋشىلەر ونىڭ دالەلى رەتىندە جانۋارلاردى ەنەسىنەن ايىرۋ جاسىن زەرتتەۋ (ازۋلارىنداعى ازوت يزوتوپتارى بويىنشا) قورىتىندىلارىن كەلتىردى.

جاڭا ءادىس ازوت-14 جانە ازوت-15 يزوتوپتارىنىڭ سايكەستىگى بويىنشا جاس جانۋارلاردىڭ ەمدامىندەگى وزگەرىستەردى انىقتاۋعا، سول ارقىلى كىشكەنتاي مامونتتاردى ەنەسىنىڭ سۇتىنەن قاشان اجىراتىپ، ەرەسەكتەردىڭ ءومىر سالتىنا (ازىعىن وزدىگىنەن ىزدەۋ) قاشان وتكەنىن انىقتاۋعا مۇمكىندىك بەرەدى.

عالىمدار زەرتتەگەن 15 ازۋ ءتىس 40 تان 10 مىڭ جىل بۇرىن ۋاقىتتا تىرشىلىك ەتكەن مامونتتاردىڭ تىستەرى بولدى. اڭشىلار قىسىمىنان ەنەسىنىڭ سۇتىنەن اجىراتۋدىڭ ورتاشا جاسى بىرتىندەپ سەگىزدەن بەس جىلعا دەيىن تومەندەگەنى بەلگىلى بولدى.