ۆەنەسۋەلا تۇرعىنى اياق ولشەمىنىڭ ۇزىندىعى بويىنشا گيننەستىڭ رەكوردتار كىتابىنا ەندى

استانا. قازاقپارات - 20 جاستاعى ۆەنەسۋەلا تۇرعىنى دجەيسون رودريگەس ەرناندەس اياق ولشەمى بويىنشا جاڭا الەمدىك رەكوردشى اتاندى.

ونىڭ وڭ اياقتاعى تابانىنىڭ ولشەمى 40,1 سانتيمەتر، ال سول تابانىنىڭ ولشەمى - 39,6 س م.

ونىڭ اياق ولشەمى جايلى الەمگە تاراتقان ەرناندەسپەن ۆەنەسۋەلاعا بارعان ساياحاتىندا تانىسقان اياق كيىم شىعارۋشى گەورگ ۆەسسەلس بولدى.

«14 جاسقا كەلگەندە اياق كيىمگە تاپسىرىس بەرۋگە ءماجبۇر بولدىم. كەيدە جاڭا اياق كيىمدى بىرنەشە اپتا كۇتەتىنمىن. ءسويتىپ كەيدە جالاڭ اياق تا جۇرەتىنمىن»، - دەدى رەكوردشىنىڭ ءوزى.

دجەيسوننىڭ اتا-اناسى ول 10 جاسقا كەلگەندە دارىگەرلەرگە بارۋعا ءماجبۇر بولعانى اتالىپ ءوتىلدى. وسى كەزدەن ونىڭ باسى قاتتى اۋىرىپ، بۋىندارىنا قاتىستى پروبلەمالار تۋىنداي باستاعان.

ەسكە سالا كەتەيىك، وسىعان دەيىنگى رەكورد يەسى تۇركيا تۇرعىنى بولاتىن. ونىڭ بويى 2,51 مەتردى قۇرادى.